Psalm Late 150
150
Topa Pok vun!
1 Topa pok vun!
Pathian sia ama Biakinnpi sungah pok vun!
Vantung ah ama ii thahatna pok vun!
2A sep sa na lianpite hu in ama pok vun.
Ama ii letna lianpi pok vun.
3Lemlete taw ama pok vun!
Tengtonghte le liamlo te taw ama pok vun.
4Khuangte le lapna taw
ama pok vun.
Tengtonghte le tamngaite taw
ama pok vun.
5Daalkopsaite taw ama pok vun.
Daalkopsai nging tatak taw ama pok vun.
6Nuntakna a nei theampo in Topa pok vun!
Topa pok vun!
Currently Selected:
Psalm Late 150: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
