Psalm Late 143
143
Hu natu Thungetna
1 Topa awng, ka thungetna hong za ta'n!
Na thutang sungah kong
maangkaana hong ngai ta'n;
na thumaanna hangin
kei hong zo ta'n!
2Kei na naseampa thusitna hong thuaksak heak in;
nang muna ah a maw ngawl kuama a om bua hi. #Rom 3:20; Gal 2:16
3Ka ngalpa in savai bangin
hong vai a hong zothal hi.
Ama in thongzing khat sungah hong khum zo a,
ngei tawngh lai ah a thisate bang ka hi hi.
4Tua ahikom, a cimaw hi zo ing ci tu in ka kithoai a,
ka thinkiam dikdek hi.
5A bosa nite ka phawk hi,
na sepsa theampo
ka ngaisun hi,
na ngamtatna sa theampo
ka thin sungah ka sut kikik hi.
6Thungenin ka khutte nang kungah kong laamto hi;
lei ko bangin ka thaa in nang hong dangtaak law hi.
7Tu ma in hong zo ta'n, Topa!
lametna theampo ka bosua zo hi.
Kei kung panin buu heak in,
na buu le kei sia mithi khua a zuansukte taw ka omkhawm tu hi.
8Zing simin na itna kip hong phawksak kik ta'n,
banghang ziam cile nangma kong muang hi.
Ka thungetnate nang kung hong theng hi,
ka tot tu lampi hong lak ta'n.
9Kidalna nga tu in nang kungah kong pai hi,
Topa ; ka ngalte kung panin hong suatak ta'n.
10Nangma in ka Pathian na hi hi;
na deina bang ka vawt thei natu hong hil ta'n.
Kei tungah hong dik ta'n a,
a muanhuai lampi ah lam hong pui ta'n.
11 Topa awng, nong kamciamsa
bangma in hong suatak ta'n;
na phatna taw ka ngim ngana
sung pan hong hun ta'n!
12Kei nong itna hu in ka ngalte that in a,
kei hong zothaw theampo na susia in,
banghang ziam cile kei sia na naseampa ka hi hi.
Currently Selected:
Psalm Late 143: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
