Psalm Late 124
124
A mite A Sungsia Pathian
1 Topa in ei sangah
hong pang ngawl hile bang suak tu hi ziam?
Hong zo tavun, Israel te awng!
2“Topa ei sangah
hong pang ngawl hi thong le,
3ih ngalte ii hong sim ciang,
thinsona taw eite a hingtang in hong valhlum zo tu hi;
4tuaciang namthuam in hong taikeak zo tu a,
tui in hong khum zo tu hi,
5a lauhuai khuanawl in tui hong tasak zo tu hi.”
6Ih ngalte ii hong lalthapsak tu,
a oai ngawl Topa tungah lungdamko tawng.
7Savaipa thaang sung pan a suakta vacim khat bangin
ei zongh ih suakta zo hi;
a thaang taltham zo a, eite suakta hi hing!
8Simlei vantung a vawt
Topa kung panin eite hong huna hong pai ahi hi.
Currently Selected:
Psalm Late 124: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
