Psalm Late 122
122
Jerusalem Pokna La
1“Topa inn ah pai tek tawng” hong ci
a om ciangin ka lungdam hi.
2Tu in eite sia hi sung
Jerusalem kongpite sung sangah ih ding hi!
3Jerusalem sia a etlawm, a hoi in
a kipua kik khuapi khat ahi hi.
4 Topa thupiak bangin
ama tungah lungdamko tu in,
Israel minamte hong paina mun ahi hi.
5Israel kumpipate in a mite tungah
thukhen tu in hi sungah to uh hi.
6Jerusalem khuapi ah kilemna
a om thei natu thungen vun:
“Nang hong itte khangto tahen.
7Na suumsung sangah kilemna om tahen a,
na kumpi innte ah ngal muanna
om tahen,” ci vun.
8Ka mealheakte le ka ngualtamhte ka ngaisutna in
Jerusalem tungah, “Kilemna om tahen!” ka ci hi.
9 Topa ih Pathian inn atu in
na nopsak natu thu ka ngen hi.
Currently Selected:
Psalm Late 122: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
