Psalm Late 116
116
Thina pan A kingum khat ii Pathian Pokna
1 Topa ka it hi,
banghang ziam cile ama in ka aw hong za hi;
ama in ka thungetnate hong ngai hi.
2Ka biapui simin ama in hong ngai hi.
3Thi tu lau huaina sia ka kiimkot ah om hi;
thaankuul kiitakhuaina in kei hong neak hi;
kei sia launa le thintoina taw ka kidim hi.
4Tuasia ciang Topa sia hi bangin ka sam a,
“Hong thuum khi hi, Topa awng, kei hong hun ta'n!” ka ci hi.
5 Topa sia hesuak thei a, pha hi;
ih Pathian in khuangai huai hong sa thei hi.
6A hun tu a nei ngawlte Topa in sungsia a;
a lau huaina sungah ka om ciangin ama in kei hong hun hi.
7Ka lungtang awng, kimuang in,
banghang ziam cile Topa in kei tungah pha hi.
8 Topa in thina panin kei hong suatak hi;
ama in ka thitui hong khaamsak a,
hong lelsak ngawl hi.
9Tua ahikom Topa ii mai,
a nungtate teenna leitung ah ka vak hi.
10 #
2 Cor 4:13
“Hong kisucip hi,”
ka ci ciang ngawngawn ahizong,
11kei lau in, “Kuama muan thei tu om bo”
ka ci ciang ngawngawn zongin ka upna ka thasua bua hi.
12 Topa ii kei tungah a phatna theampo hu in
ama bang pia thei tu khi ziam?
13Kei hong hutna lungdamkona in
Topa tungah sapittui biakpiakna ka pia tu hi.
14A mite theampo kikhopna ah
ka kamciamsa sia ama ka pia tu hi.
15A mite khat a thi ciangin
Topa in bangza in na sa ziam!
16Kei sia na naseampa khi hi, Topa awng;
ka nu ii nang atu hong sepsak bangma in
kei zongh in nang atu ka seam hi.
Thina panin nong hun zo hi.
17Lungdamko biakpiakna kong pia tu a,
nang tungah thungetna kong nei tu hi.
18-19Na mite theampo kikhopna mun,
Jerusalem na Biakinnpi thiangtho sungah,
ka kamciamsa sia kong pia tu hi.
Topa pok vun!
Currently Selected:
Psalm Late 116: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
