Paunakte 5
5
Palngulna huvau Kidop natu
1Ka tapa awng, hong nadon ta'n a, ka ciimna le thuthuk ka muna hong ngai ta'n. 2Tuaciang ngamtat luheakzia ahi tu bang na he tu a, na kammalte in heakna na nei hunlam hong lak tu hi. 3Pasal dang khat ii a zi muk sia khuaitui bangin thum tha tu a, ama ii hong napna in olive thau bangin neal tu hi, 4ahihang a zawkciang tua nu in a sia a kha le natna bek hong nusiat hi. 5Ama in mithi khua hong zotpui tu hi; ama tot lampi in thina lampi hi. 6Ama in nuntakna lampi tungah a om bua hi; vakthapin bang teng piang ziam ci zongh a tel bua hi.
7Tu in hong ngai tavun, ka tapate awng, ka pau teng mangil ngei heak vun. 8Tuabang numei sia ii kung panin kikeam vun! Ama ii bangkua nai ngawngawn zongh neak tha heak vun! 9Na neak uh le, nidang na nei ngei kizataknate sia midangte in lua tu a, hesuakna sel mite khutsa taw na khanthi tu uh hi. 10Hi hi, khualmite in na hauna theampo la siat tu a, na thalaw sa theampo sia ngualdang khat atu hi tu hi. 11Na thi natu lupmun tungah na tatau tu a, na sazang le na thangolte kine tum tu hi, 12tuasia ciang, “Banghangin he thei ngawl khi ziam? Banghangin khat po in teksak ngeingawl ka na khi ziam? 13Ka syate thu ka ngai bua a, amate ka thusim bua hi. 14Tuaciang thakhat thu in mipi mai ah maizum minsiat ka thuak sia keima le keima ka kihe hi,” na ci tu hi.
15Na zi tungah thumaan in a, na itna sia ama bekma pia in. 16Numei dang taw na nei na tate in bangma phattuamna hong pia ngawl tu hi. 17Nangma tate nangma hong hu tu in hong khang tu a, ngualdang a hu tu ahi bua hi. 18Tua ahikom na zi taw lungdam vun a, na teenpui nu taw thinnuamin om in — 19ama sia sangai bangin ngaibaang in thuzawk huai hi. Ama ngaibannate taw na lungdamsak in; ama hong itna in nangma tuamsak in. 20Ka tapa awng, banghangin na itna sia numei dang khat pia tu ni ziam? Banghangin ngualdang khat zi ii ngaibannate lungngul zaw tu ni ziam? 21Topa in na ngamtatna theampo hong mu hi. Na paina theampo ama in hong encik hi. 22Mi seksol khat ii mawnate sia thaang khat ahi hi. Amate mama ii mawna ngeen sungah amate awk uh hi. 23Amate in a pumpi ki uk zo ngawl ahikom thi uh hi. Amate mawmawt leilamna in a thaankuul uh ah amate puak tu hi.
Currently Selected:
Paunakte 5: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
