Paunakte 31
31
Kumpipa tungah ngaisut piakna
1Kumpipa Lemuel tungah a nu ii a ciliaphuai kampaunate in hi teng hi;
2“Nangma in ka thungetna hong kizo kikna ka it ka tapa na hi hi. Nang tungah bang kong son tu ziam? 3Na tha nei theampo numei le pa omkhopna huvau in zangh heak in a, na sum theampo numei tungah zangh heak in; tuate in kumpipate susia hi. 4Hong ngai ta'n, Lemuel awng. Kumpipate in sapittui ne ngawl tu hi, ahibuale, zu thangai leilamna thin nei ngawl tu hi. 5Zu a neak uh ciang amate in thukhamte mangil in, kitaangsapna a nei mihingte ii nga tuak thute ngaingon uh hi. 6Zu sia a thi dektak mihingte, a thinngim mamate atu ahi hi. 7Amate in a zawnna le a khuangaina a makngil thei natu in dawn tahen.
8Amate atu, thu a son thei ngawl mihingte atu in sonsak in. A cimaw theampo ii nga tu a kilawmte sungsia in. 9Amate taangin pau in a, thutang thukhenpa hi in. A zawngte le taangsapna a neite ii nga tuak thute sungsia in.
Zi Zaktel
10A zaktel mama zi khat mu natu bangza in haksa ziam! Ama in suangmanpha te sangin tam mama in manpha zaw hi.
11A pasal in ama tungah muanna nei a, tuaciang a pasal a zawng ngei buatu hi.
12Tua nu in a nuntak lai tawntungin a pasal tungah phatna vawt a bangma hunin siatna a thuaksak bua hi.
13Ama in tuumul puante le puannealte takin komla tawntung hi.
14Vanh pua teambawte bangin ama in a khuala munte panin inn ah an hong ciapui hi.
15Zingsang khuavak ma in tho a, innkuan anneak tu vawtin, a naseam numeite sep tu teng zongh son hi.
16Ama in leitangte en in lei hi, ama thalaw sa sum taw sapitkungte ciing hi.
17Ama in naseam hat khat hi a, thahatin lawp hi.
18Ama in a sep a vawt theampo ii manphatna he a, khuazan dongin naseam hi.
19Ama in khauzomin ama puan tu tak hi.
20A zawngte le a kitaangsamh te ngo takin pia hi.
21Vuuk a kiak hangin a thin a ngim bua hi, banghang ziam cile a innkuanpuite in puan lum nei uh hi.
22Ama in luppha puanvante takin puanneal sandup phate silh hi.
23A pasal sia mihing tam ii heak, ngammite ii lampui khat ahi hi.
24Ama in puansilh le kawngkhaute vawtin vanhzuakte munah zuak hi.
25Ama hat a, ngual in thasia in mailam atu a patau bua hi.
26Ama in a pau ciang kamneam le ciimkam taw pau hi.
27Ama in a tawntungin komla a, a innkuanpuite kisapte vah hi.
28A tate in ama thupi a sakna uh lak a, a pasal in pok hi.
29A pasal in: “Numei tam mamate in zipha vive hi a, ahihang tuate theampo sung pan nang sia a phabel na hi hi,” ci hi.
30Ngaibanna in hong theam thei a, mealhoina zongh bo thei hi, ahihang Topa a zakta numei khat sia kipok tu hi.
31Ama sep le vawt theampo tungah minphatna pia vun. Ama in mihing theampo ii zatakna a nga tu in kilawm hi.
Currently Selected:
Paunakte 31: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
