Mi Simna Thupatna
Thupatna
Mi Simna Thubu sungah Israel te ii Sinai Mual a nusiat a kipan Pathian ii amate tungah piak tu in a ciamsa ngam ii nisuana ngamngi ciang a thet dong kum sawmli dektak sung Israel te taanghthu kison hi. Hi thubu sungah a thupibel in Israel te mi phaza kisim na hi a, Sinai Mual pan a vaidin ma in Moses in mihing simna vawt a, tua zawk khang khat bang ciangin Jordan ngun nisuana sang Moab ngam ah mihing simna vawt kik hi. Mihing simnate nii, kilaklaw hun sungin Israel te in Canaan ngam thangsang ngamngi Kadesh Barnea ah pai uh a, ahizong tua mun panin khapsa ngam ah tum zo ngawl uh hi. Tua mun le ngam ah kum tam mama a vaithaam zawkciang Jordan ngun nisuana sangah pai uh a, mi pawlkhatte tua ngam ah teangin, a dangte sia ngun kaantan in Canaan ngam ah tum tu in kithoai uh hi.
Mi Simna thubu sia thu haksa a phul uh ciang lau in, thinkiam a, Pathian le amate a lampui tu Pathian ii koi Moses a langpanna thute tepteena ahi hi. Ama mite thazawm in thumaan ngawl hikale Pathian ii thumaan takin a kep a khoi kenkon na thu le khat vevei a thin vei zo ngawl ahitazong Pathian tung le ama mite tungah Moses takkha in a lungtang a khona thu ki at hi.
A kihel Thulute
Sinai Mual pan Israel te vaiding tu in kithoai 1:1—9:23
a. A masa mi simna 1:1—4:49
b. Thukham le ngeina tuatuamte 5:1—8:26
c. A nii veina Paisan Poai 9:1-23
Sinai Mual pan Moab ngam dong 10:1—21:35
Moab ngam ah thupiangte 22:1—32:42
Egypt pan Moab ah a paina thu tomsonna 33:1-49
Jordan a kaantan ma in kihilna 33:50—36:13
Currently Selected:
Mi Simna Thupatna: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016