Mi Simna 29
29
Kumthak Poai ah Biakpiaknate
(Thiampi 23:23-25)
1Tha salina a ni khat ni in, biak kikhopna na nei tu uh a, na naseam buatu uh hi. Tua ni in lemle kitum tu hi. 2Topa a lungkimsak ngimnam ahi meihal biakpiakna khat Topa pia vun: khuital moi khat, tuutal khat, kum khat a pha tuutalno sali hi tu a, a vekpi in mealhem ngawl hi tu hi. 3Olive thau le anvui a kihel piak ngei antang biakpiakna pia vun: khuital khat le anvui kilogramme 3, tuutal khat le kilogramme 2, 4le tuuno khat sim le kilogramme khat veu taw pia vun. 5Mawphel biakpiakna in kealtal khat zongh pia vun a, hi bangin mipite atu a zeksa thiansuana vawt vun. 6Hi biakpiaknate tha sim a ni khat ni in piak ngengei meihal biakpiakna le antang biakpiakna, ni sim meihal biakpiakna le antang biakpiakna le sapittui biakpiaknate belapna in pia vun. Hi an taw biakpiaknate sia Topa a lungkimsak ngimnam khat ahi hi.
Mawsuutna Ni a Biakpiaknate
(Thiampi 23:26-32)
7Tha salina a ni sawm ni in biak kikhopna nei vun; an ne heak vun a, naseam heak vun. 8Topa a lungkimsak ngimnam ahi meihal biakpiakna khat Topa tungah pia vun: khuitalno khat, tuutal khat, le kum khat a pha tuutalno sali hi tu a, a vekpi in mealhem ngawl hi tu hi. 9Olive thau le anvui kihel ngeina biakpiakna pia vun: khuital sia anvui kilogramme 3, tuutal sia anvui kilogramme 2, 10le tuutalno khat ciang kilogramme khat veu taw pia vun. 11Mipite atu a zeksa thiansuana in a kipia keal, le ni sim meihal biakpiakna, antang biakpiakna le sapittui biakpiakna belapna in kealtal khat taw mawphel biakpiakna pia thua vun. #Thiam 16:29-34
Buk Poai ah Biakpiaknate
(Thiampi 23:33-44)
12Tha salina a ni sawm le ni nga ni in biak kikhopna nei vun. Topa patoaina in tua poaipi ni sali sung khaamin, naseam heak vun. 13Hi a ni khat ni in Topa a lungkimsak ngimnam ahi an biakpiakna Topa tungah pia vun: khuital no sawm le thum, tuutal nii le kum khat a pha tuutal no sawm le li hi tu a, a vekpi in mealhem ngawl hi tu hi. 14Olive thau le anvui a kihel ngeina antang biakpiakna pia vun: khuital khat ciang anvui kilogramme 3 veu, tuutal khat ciang kilogramme 2 veu, 15le tuutalno khat ciang kilogramme khat veu, a kisamh za sapittui biakpiaknate taw pia vun. 16Mawphel biakpiakna in kealtal khat zongh pia vun. Hi biakpiaknate ni sim meihal biakpiakna, antang biakpiakna le sapittui biakpiakna belapna in pia thua vun.
17A ni nii ni in, a mealhem ngawl khuital no sawm le nii, tuutal nii le kum khat a pha tuutal no sawm le li pia vun. 18-19Tuate taw a ni khat ni atu a, a kisamh biakpiakna dang theampo pia khawm vun.
20A ni thum ni in, a mealhem ngawl khuital no sawm le khat, tuutal nii, le kum khat a pha tuutalno sawm le li pia vun. 21-22Tuate taw a ni khat ni atu a kisamh biakpiakna dangte theampo pia khawm vun.
23Ani li ni in, a mealhem ngawl khuital moi sawm, tuutal nii, le kum khat a pha tuutalno sawm le li pia vun. 24-25Tuate taw a ni khat ni atu, a kisamh biakpiakna dang theampo pia khawm vun.
26Ani nga ni in a mealhem ngawl khuital no kua, tuutal nii, kum khat a pha tuutalno sawm le li pia vun. 27-28Tuate taw a ni khat ni atu a kisamh biakpiakna dang theampo pia khawm vun.
29Ani luk ni in, a mealhem ngawl khuital no liat, tuutal nii, le kum khat a pha tuutalno sawm le li pia vun. 30-31Tuate taw a ni khat ni atu in a kisamh biakpiakna dang theampo pia khawm vun.
32Ani sali ni in, a mealhem ngawl khuital sali, tuutal nii, le kum khat a pha tuutalno sawm le li pia vun. 33-34Tuate taw a ni khat ni atu a kisamh biakpiakna dang theampo pia khawm vun.
35Ani liat ni in, biak kikhopna nei vun a, na seam heak vun. 36Topa a lungkimsak ngimnam ahi an biakpiakna khat in Topa tungah meihal biakpiakna pia vun: khuital no khat, tuutal khat, le kum khat a pha tuutalno sali, a mealhem ngawl hi tu hi. 37-38Tuate taw a ni khat ni atu a kisamh biakpiakna dang theampo taw pia khawm vun. #Thiam 23:34; Thkna 16:13-15
39Hite sia, vawt tu a kisee poaite ah Topa tungah na sep tu meihal biakpiakna, antang biakpiakna, sapittui biakpiakna le pawlkhop biakpiaknate taw kisai zui tu ngeinate ahi hi. Hite sia kiciamna khat taangtutsakna ahibuale thinzaw biakpiaknate in na piak biakpiaknate belapna ahi hi.
40Tuabangin Moses in ama tungah Topa thupiak sa theampo Israel mite tungah son hi.
Currently Selected:
Mi Simna 29: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
