Mi Simna 2
2
Ngiaphual sungah Minamte Omzia
1 Topa in Moses le Aaron tungah a nuai a bangin thupia hi.
2Israel te in ngiaphual a saat uh ciang a pawlkhenna sung tek le a bee le phung ii laandial nuai tek ah om tu uh hi. Puanbuk kiimkot ah a ngiaphual kisaat tu hi.
3-9Nisuana sang, Judah pawlkhen ii laandial nuai ah a omte in a lampuite khutnuai ah a nuai a bangin, a pawl a pawl in ngiaphual saat tu uh hi.
| Minam | Lampui | Mihing phaza |
|---|---|---|
| Judah | Amminadab tapa Nahshon | 74,600 |
| Issachar | Zuar tapa Nethanel | 54,400 |
| Zebulun | Helon tapa Eliab | 57,400 |
| A vekpi: | 186,400 |
Judah pawlkhen ah a omte pai masa tu uh hi.
10-16Thangsang Reuben ii laandial nuai ah a omte in a lampuite khutnuai ah a nuai a bangin, a pawl a pawl in ngiaphual saat tu uh hi:
| Minam | Lampui | Mihing phaza |
|---|---|---|
| Reuben | Shedeur tapa Elizur | 46,500 |
| Simeon | Zurishaddai tapa Shelumiel | 59,300 |
| Gad | Deuel tapa Eliasaph | 45,650 |
| A vekpi: | 151,450 |
17Tuaciang a masa pawl niite le a nungsang pawl niite kilaklaw ah Levi mite in Puanbuk pua in pai tu uh hi. A pawl a pawlin amate laandial nuai tek ah ngiaphual saat in a om bangma in a pai ciang zong tuabang ma in pai tu uh hi.
18-24Nitumna sang, Ephraim pawlkhen ii laandial nuai ah a omte in a lampuite khutnuai ah a nuai a bangin, a hon a hon in ngiaphual saat tu uh hi:
| Minam | Lampui | Mihing phaza |
|---|---|---|
| Ephraim | Ammihud tapa Elishama | 40,500 |
| Manasseh | Pedahzur tapa Gamaliel | 32,200 |
| Benjamin | Gideoni tapa Abidan | 35,400 |
| A vekpi: | 108,100 |
Ephraim pawlkhen ah a omte a thumna in pai tu uh hi.
25-31Saksang Dan pawlkhen ii laandial nuai ah a omte in a lampuite khutnuai ah a nuai a bangin, a hon a honin ngiaphual saat tu uh hi.
| Minam | Lampui | Mihing phaza |
|---|---|---|
| Dan | Ammishaddai tapa Ahiezer | 62,700 |
| Asher | Ochran tapa Pagiel | 41,500 |
| Naphtali | Enan tapa Ahira | 53,400 |
| A vekpi: | 157,600 |
Dan ii pawlkhen ah a omte a khak belin pai tu uh hi.
32Pawlkhen te sungah a pawl a pawl zui in, Israel mite kisim a, a vekpi 603,550 pha hi. 33Moses tungah Topa thupiak sa bangma in Levi te sia Israel dangte taw kisim khawm ngawl hi.
34Tuabangin Moses tungah Topa thupiak sa theampo Israel mite in vawt siat uh hi. Amate sia a laandial nuai tek ah ngiakin, tuaciang amate bee le phung zui in pai uh hi.
Currently Selected:
Mi Simna 2: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016