Mi Simna 17
17
Aaron ii Ciangkhut
1 Topa in Moses tungah, 2“Israel mite tungah anam sim ii lampui sia tung pan ciangkhut khat tek, ciangkhut sawm le nii nang tungah hong piak natu in son in. A ciangkhut tungah a min tek at in, 3Levi nam ii a piak ciangkhut tungah Aaron min at in. A nam lampui khat ciang, ciangkhut khat tek hi tu hi. 4Ka ompuina Puanbuk ah tuate paipui in a, kong kisik puina mun, Thuciamna Thingkuang mai ah koi in. 5Tuasia ciang ka teal pa ii ciangkhut sia meang tu hi. Hi bangin Israel te ii nangma hong langpanin a phuphunna ka thimsak tu hi,” ci hi.
6Tuabangin Moses in Israel te tungah son a, a nam sim pan ciangkhut khat tek, a lampuite in ama tungah pia a, a vekpi ciangkhut sawm le nii pha hi, tuate taw Aaron ciangkhut kikoi khawm hi. 7Tua zawkciang Moses in ciangkhut teng Topa ii Thuciamna Thingkuang mai Puanbuk sungah koi siat hi.
8A zing ciang Puanbuk sungah Moses a tum ciang Levi nam ii a piak Aaron ciangkhut a meang sa in mu hi. Tuasia in mom zo, a paak palh zo a, almond nga minte piangsak hi! 9Moses in ciangkhut theampo la in Israel te lak hi. Amate in thupiang teng mu a, a lampui sim in a ciangkhut tek la kik hi. 10Topa in Moses tungah, “Thuciamna Thingkuang mai ah Aaron ciangkhut koi kik in. Hi ciangkhut sia, a leedo nuam Israel te ii phunna a tawp buale amate thi tu a hisia a kidop natu in kepcing tu ahi hi,” ci hi.#Heb 9:4 11Topa thupiak bangin Moses in vawt hi.
12Israel mite in Moses tungah, “Ko ka hi uh le man sa hi zo ung! 13Puanbuk nai a neak te ngawngawn thi hamtang tu ahile, ko teng theampo zong a thi bang ka hi zo uh hi!” ci uh hi.
Currently Selected:
Mi Simna 17: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
