Kaa late 3
3
Daan piakna, Kisii kikna le Lametna
1Pathian ii daan piakna
bangbang tatak hi tu ziam ci in a he sia keima ka hi hi.
2Ama in khuazing sungah
a thuk vaial, a thuk vaial in kei hong hawlkeak hi.
3Tuaciang ama in hong hesuak
ngawlin kei hong vevel hi.
4Ama in ka samal sia a at
babangin nusia a, ka ngu ka taang thiaktan hi.
5Ama in thasiatna le mauna
thong sungah hong khum hi.
6Ama in a uih thina khuazing
sungah kei hong teangsak hamtang hi.
7Ama in thikkhau taw
hong heen a;
suatak tu muanmawk om
ngawl thongtaak a, a luangta khat ka hi hi.
8Hu ngenin nging takin ka kap a,
ahizong Pathian in hong ngai nuam ngawl hi;
9Lam ka pai ciang ka hoi vadai a;
ka heakna mun theampo ah suangpangte in ka mai hong khak hi.
10Vompui khat bangin ama in kei hong pang nginge a; tawpi khat bangin ama in hong baw hi.
11Ama in lam puasia ah kei hong del a, hong balneen in hong nusia hi.
12Ama in a thal keak a, kei sia a thaltangte taw phutuunna in hong nei hi.
13Ama in a thaltangte taw ka pumpi thuk bunin hong kap hi.
14Mihingte in sunkhuateak in kei hong nuisan a;
amate theampo atu in kei sia ciammuina ka suak hi.
15An le tui hong piak taangin ama in nasia takin hong thuaksak hi.
16Ama in ka maitang lei ah hong tat a,
suangtum tungah ka hate sutan hi.
17Cidamna, thinnopna le lungdamna cite
bang ziam ci sia ka mangil zo hi.
18Khuangei nungta nawn ngawl tu khi hi;
Topa sungah ka lametna bo zo hi;
19Natna ka thuakna, inn le lo nei ngawlin ka omnate ka ngaisut sia nguu ahi hi.
20A tawntungin tuate ka ngaisun a, ka thin kiam hi.
21Ahizong hi thu khat ka phaw ciang, lametna hong piang kik hi:
22A kiam ngeingawl Topa ii hong itna le hong hesuakna kizom suak lai a;
23zing khuavak bangin thak suak tawntung a, nisuak pealmaw bang ahi hi.
24 Topa bekma ka nei hi a, ama tung bek ah ka lametna ka koi hi.
25Ama a muangte theampo tungah Topa pha hi.
26Tua ahikom eite atu in, thin sauna taw ama ngakin ih om tu —
eite hong ngum tu in ama ngakin ih om tu — phabel hi.
27Ih khan moi lai in hi thinsauna sin tu phabel hi.
28Ngimna ih thuak ciang thinsauna taw
thimdide in eima nguak ih to tu ahi hi;
29Kipum aapin ih kun tu ahi hi,
banghang ziam cile lametna om thei lai tu hi.
30Hong kivua in hong kizawngsak kale
tuate theampo ih saang thiam tu hi.
31 Topa sia hesuakna taw kidim a,
a tawntungin eite hong nial ngawl tu hi.
32Ama in eite heena hong
thuaksak thei tu hi, ahihang ama ii eite hong itna sia maan in kho hi.
33Ama in eite hong khuangaisak,
hong natsak sia nuamsa tuan ngawl hi.
34 Topa in thong sungah thinngimna ih thuak ciang hong heaksak a;
35Ama ii eite hong piak
hamphatna te ih taan ciang hong heaksak hi;
36thukhenzum ah thutang khenna a om ngawl ciang, ama in he hi.
37 Topa deina sia bekma kiseam suak tawntung hi.
38Ama thu piakna zui in a pha le
a sia a kibangin piang hi.
39Ih mawna hangin daan hong
kipiak ciang banghang phuphun tu hi ziam?
40Ih kalsuan nate en pha kikin Topa kungah heak kik tawng.
41Vantung a om ih Pathian tungah ih thinsung kongkha hongin thungen tawng,
42“Topa awng, kote mawin, kong langpan zo uh a, nangma in nong maisak bua hi.
43“Nangma in kote nong zuizen a nong thatlum hi; na thin uukna in na hesuakna seal hi,
44na thinsona meeikaai sia saa leih ahikom
kote thungetnate nang kungah hong theng zo ngawl hi.
45Nangma in kote simlei ninthuk nong sua hi.
46“Ka ngalte theampo in
kote hong selno in hong nunau uh hi.
47Kote in tuasiatna le siatna ka thuak zo uh a,
launa le kiitakna sungah ka nungta uh hi.
48Ka mite siatna hu in
ka thituite ngun bangin
luang hi.
49“Ka thituite sia
50 Topa in vantung pan hong ensuk a,
eite hong mu dong a kangmaw lui bangin luang vapua top hi.
51Khuapi sungah numeite
bang tawk ziam ci sia
ka mu ciang ka khuangai
mama hi.
52“Kei hong ngaimawk natu
thu a nei ngawl ngalte in,
vacim khat bangin thaang
sungah kei hong awksak hi.
53Amate in leidum khat sungah
hingtangin hong khiasuk a
suang khat taw akua vang khak uh hi.
54Tui in hong khuum tu in kithoai a,
tuaciang thina a nai sia ka ngaisun hi.
55“Topa awng, dum tawtawngh panin nang kong sam hi,
56Kong sapna hong ngai ta'n ci in kong nget ciangin nong za hi.
57Nong zo a,
lau heak in nong ci hi.
58“Topa awng, kei hong suatak
tu in nong pai a, ka nuntakna nong hun hi.
59Kei sangah pangin thu hong khen ta'n;
kei tungah a maan ngawl
hong kivawtnate na he hi.
60Ka ngalte ii hong etsatzia le
hong thasawm zia na he hi.
61“Topa awng, amate ii kei hong lan nate na za zo hi,
amate ii hong thasawm nate theampo na he hi.
62Amate in sunkhuateak in kei
thu kikum in vaihawm uh hi.
63Amate in kei sia zingsang pan
khuazan dong ciammuina in hong nei uh hi.
64“Topa awng, amate a ngamtatnate hu in daan pia in;
65Amate haamsiat in, thinkiamna taw kidimsak in!
66Amate vai zui in a, leitung pan phiat keak in!”
Currently Selected:
Kaa late 3: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
