Jonah 2
2
Jonah ii Thungetna
1Ngasa ngilsung tawngh pan Jonah in Topa a Pathian tungah thungen a:
2“Ka ngim nga laitakin Topa awng,
nang kong biakpui a, nong zo hi.
Mithi khua a thukna mun panin,
hu ngenin ka au a, nong za hi.
3A thukna mun tuipi taw
tatak ma,
tuite ii hong uumcipna munah
kei nong vawksuk a,
a thahatna tuihual theampo in kei hong khunel hi.
4Na omna panin hawlkeak sa in, ka kingaisun a,
na Biakinnpi thiangtho
mu kik ngei nawn ngawl tu in ka kingaisun hi.
5Tui in hong khum a, hong haaksak hi;
tuipi in hong khumcip a,
tuaciang tuipi tuipaante in
ka lu vialcip hi.
6Mualte ii bul,
a tawntung a kikhakcip
lei kongpite dong ka zuansuk hi.
Ahizong Topa ka Pathian awng,
nangma in a thukna munte pan, a nungta in nong la kik hi.
7Ka nuntakna a kiam susuk ka phaw ciang Topa awng,
nang tungah thu kong ngen a,
na Biakinnpi thiangtho pan nong za hi.
8Zak thei ngawl milim a biate in,
nang tungah hong thumaan nawn ngawl uh hi.
9Ahihang kei ka hile pokna la kong sak tu hi;
sangaw biakpiakna khat kong nei tu a,
ka kamciamsa bangin ka seam tu hi.
Ngupna in Topa tung pan hong pai ahi hi!” ci hi.
10Tuasia ciang Topa in vaalbo tungah Jonah a luak natu in ngasa tungah thupia a, tuabangin ngasa lua hi.
Currently Selected:
Jonah 2: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016