Job 8
8
Bildad
1-2Na hawpai kamtam thuson teng na man zo ziam?
3Pathian in thutang lumlet ngeingawl hi;
ama in a maan ngawl vawt ngeingawl hi.
4Pathian tungah na tate khial hi nanak tu hi,
tua ahikom amate taw a kilawm bangin ama in daan pia hi.
5Ahihang tu in kiheak in a, Vaanglianbelpa Pathian tungah thuum ta'n;
6na thumaan mama a, na thiangtho le,
Pathian hong pai a, nang hong hu tu hi,
tuaciang na bangkua sia na thaman tu in puuapha tu hi.
7Nei le lamh na bosua theampo sia tua hun ciang
Pathian hong piak tute taw en khawm leang son thamman ngawl tu hi.
8Taanghlai hun a ciimna kan pak in;
ih taanghpupite heak thumaan thutak te ngaisun in.
9Ih khantom a, bangma ih heak om ngawl hi;
leitung nuntakna sia limhte taw kibangin ih kaantan hi.
10Ahihang taanghpupi miciimte in hilsak in;
amate hong sonna teng ngai in:
11“Pumpa sia tui om ngawlna ah po thei ngawl hi,
ciknawng omna puasia ah tuate kimu ngeingawl hi.
12No lei lai a, zak tu in saat thamman ngawl lai ahitazong,
tui a kang le tuate sia a vul phit tute hi.
13Pathian selte sia tua pumpate taw kibang hi;
Pathian a makngil uh po ciang a lametna bo hi.
14Amate in khau zam khat —
momkhau khat muang uh hi,
15amate in pangpaan kaai khat
neal le tuasia in amate do zo tu ziam?
amate in khauzam khat zamh le
tuasia in amate khuangkho zo tu ziam?
16Mi ngilote sia nitaang sungah lopate po bangin,
huan bup lopa beakte taw kibangin po a, zel keak hi.
17A zungte in suangte vial a,
tuaciang suangtum om theampo man tinten hi.
18Ahihang tuate bot le uhte —
tuate tua munah om ngei
ahi hunlam a he khat zongh
om ngawl tu hi.
19Hi hi, mi ngilote ii lungdamna sia tuabang teng hi;
tu in midangte hong pai in a omna suan uh hi.
20Ahihang Pathian in a thumaante taisan ngeingawl tu a,
a tatsia mite huna pia ngeingawl tu hi.
21Ama in nang hong nuisakin hong ausak kik tu a,
22ahizong ama in nang hong ensante tungah minsiatna tungsak tu hi,
tuaciang mi ngilote bangkua teng bomang tu hi.
Currently Selected:
Job 8: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
