Job 26
26
Job
1-2A zawngkhal a thazawm mi kei —
atu in nong huna bangza in pha ziam!
3Tuabang ngaisutna pha
nong pia a,
kei bangin a mawmaw khat sia
na heakna nong hawm hi!
4Na kammal theampo akua in za tu in um ni ziam?
Hi bang pau tu in akua in nang hong thaw ziam?
[Bildad] #26:5 thulu Bildad hi kampauna sia Bildad min a kibulna mun om ngawl ahihang ama veu ma kiseesiat hi.
5A thisate ii thaate sia leinuai ah
a om tui sungah liinglawng hi.
6Mithi khua kihongin Pathian mai ah kilangh hi.
Ama ii a mu thei ngawl natu in a khak a dal bangma om ngawl hi.
7Pathian in van saksang teng phalh a,
tuaciang leitung sia
mun awngpi sungah kaaisak hi.
8Meeite tui taw a kidimsak sia Pathian hi,
ama in tuate a ngitna taw a puathap ngawl natu in keam hi.
9Ama in thalik sia meeikaai khat ii nungah seal hi.
10Ama in khuazing pan
khuavak sia
tuipi maitang tungah a kisuai
a beampui khat sia taw khen hi.
11Ama in van a len khuamte
a teih ciang tuate
lau a kilok in liing uh hi.
12Ama ii thahatna in
tuipi zothal hi;
ama in a thiamna taw
nganhingpui Rahab thatlum hi.
13Ama ii husan sia in van thiangsak a,
tuaciang ama khut in a suakta nganhing pui sia that hi.
14Ahihang hite ama thahatna ii a hiauhiau hi bek a,
ngual ii kihuau in a son vasipte ih zaak hi bek hi.
Pathian bangbang tatakin lian cisia
akua in he thei tu ziam?
Currently Selected:
Job 26: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
