Job 18
18
Bildad
1-2Job awng, nang bang mihingte thim om thei ngeingawl tu ahi bua ziam?
Na pau tawlnga in
hong ngai po lete
hong paupui thei tu khu hi.
3Ko sia khui khawng bangin
mawmaw ci in
akua in nang hong
ngaisunsak ziam?
4Na thin uukna taw
nangma le nangma a kinatsua hi bek ni hi.
Na thin uuk hang po in leitung kinusia tu ziam?
Pathian in na lungkim natu in mualte a khiin tu ziam?
5Mi ngilote ii khuavak taang kimitsak lai tu hi;
a meikuang kuang kik ngei nawn ngawl tu hi.
6A tuipuan bukte sungah a meiinn sia kimit tu hi. #Job 21:17
7A kalsuannate kho hi,
ahizong tu in amate lutu hi;
amate ma ii ngaisut
a kipiakna taw amate puk hi.
8Ngen khat sungah amate vak a, a peangte awk hi;
9thaangsia na khat sungah
a khuatulte awk a, lencip hi.
10Lei ah thaangkhau khat kiseal a,
a lampi ah thaang khat kisiah zo hi.
11A kiimkot panin
launa in ngak hi;
tua in a kalsuan simin
amate zuizen hi.
12Amate hau ngei hi,
ahihang tu in ngilkial in vak hi;
tuasiatna in
a kung panin ngak hi.
13A kiitakhuai natna khat amate ii pumpi tungah kizel a,
a khut le a peangte muatsak hi.
14Amate ngammuang takin
a teenna tuipuan bukte panin kinuaicip a,
Thina Kumpipa mai ah kikaikeak hi.
15Tu ahile natna a nga thei ngawl natu in
kaan a kithe zawkciang,
a kuama po a tuipuan buk sungah teang thei hi!
16Tuate ii a baakte le a zungte sia vulin ko hi.
17Amate ii minthanna sia tualsung le ngamdang ah bo vangeu a;
kuama in amate phawk nawn ngawl hi.
18Amate a nungtate ngam pan kinotkeak tu a,
khuavakna pan khuazingna ah kinot tu hi.
19Amate in suan le paal nei ngawl a, kuama taang nawn ngawl hi.
20Nisuana pan nitumna dong
amate ii thuakna
a za theampo lau in
liinglawng hi.
21Tuasia in mi seksolte ii
thuak tu hi a,
Pathian a awlmaw ngawlte
thuak tu a tangsa ahi hi.
Currently Selected:
Job 18: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
