Job 16
16
Job
1-2Kammal tuabangte tu masia in ka za ngei zo hi;
heenepna nong piak uh sia ngim kipiakna hi bek hi.
3Pau tan viuveu tu nu ziam?
kam a pau khak tu sia na uukna in kam tungnut kitu nu ziam?
4Kei dinmun ah no om le uhte a, no dinmun ah kei ding leng,
no pau theampo kei zong pau thei tu khi hi.
Tel takin ka lu pei a, kam tam mama kong son thei tu hi.
5Ngaisut piakna taw no kong thahatsak thei tu a,
heeneam tu in no kong pau pupui tu hi.
6Ahihang ka thusonte in bangma hong hu ngawl a,
ka thim om ciang zong ka natna nuamtuam tuan ngawl hi.
7Pathian awng, hong toisak niknek zo ni hi,
ka innkuan in hong kithalup tu na oai zo hi.
8Nangma in nong pummat zo a; ka ngal na hi hi.
Ka vun le ka ngu nguak bekin ka om a,
tuasia zongh ka maw hunlam
a kilakna in mite in ngaisun hi.
9Pathian in thin uukna taw
ka ngu ka taang
khat zawkciang
khat thiaktan a;
etsatna taw kei hong ngau hi.
10Mite in kei hong nunau a;
amate in hong kiim uum in ka maitang hong beang hi.
11Pathian in kei sia
mi ngilote khut sungah hong aap zo hi.
12Thinnuam in ka om a,
ahihang Pathian in
ka longtawl pan hong zamh a,
hong vel in hong sucip hi.
Pathian in phutuunna in hong nei a,
13tuaciang ka kiimkot pan
thaltangte taw hong kap a —
tuate in hong sun in
hong liamsua hi,
tuasia ciang zong ama in
hong hesuak tuan bua hi.
14Ama in kei hong liamsua kikik hi;
Ngual a huatsa leilam ngalkap khat bangin ama in kei hong sim hi.
15Khuangai in khau-ip puan
ka silh a,
hi sung leivui sungah
ngallel in ka tocip hi.
16Ka mai a san dongin ka kap a,
ka mit tumin ka mitkhu bolin dup hi,
17ahihang ngongtat mawna
khat zongh ka vawt bua hi,
tuaciang Pathian tungah
thin tak taw thu ka ngen hi.
18Simlei awng, kei tungah
hong kivawt khialnate seal heak in!
Thukhaikim natu ka sapna aw thimsak heak in!
19Kei atu hong ding tu le
kei hong panpui tu vantung ah khat om hi. #Job 19:25
20Ka lawmte in kei hong lang a;
ka mit pan ka thituite Pathian mai ah taak hi.
21Mihing khat in a lawmpa atu a maangkaasak bangin
kei atu in Pathian tungah hong thuumsak tu khat ka kisamh hi.
22Tu in ka kumte bawbo a,
a kiheak kik ngawl tu lampi ka tawn hi.
Currently Selected:
Job 16: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
