Job 11
11
Zophar
1-2Hi nawnsan thute theampo kuama in zo kik ngawl tu ziam?
Kam tam pauna in mihing khat a maan suaksak ziam?
3Job awng, koma in hong zo kik thei ngawl tu hong um ni ziam?
Nong nunauna kammalte in kote pau ngawlin hong koi tu ziam?
4Na pau teng thumaan hi ci ni hi;
Pathian muna ah ka thiang ci ni hi.
5Pathian in na kam hong zo le uuk na peu ing!
6Ama in ciimna nam tam a om sia nang hong son tu hi;
mihingte heak zawk ngawl thuthukte a om sia nang hong son tu hi.
Pathian in na kilawmna za sangin a tawm zaw daan hong pia hi.
7Pathian ii letna le a vaang ii
a phakcia le a mongte na mu thei ziam?
8Van sia Pathian atu mong nei ngawl ahihang, tuasia nang bat zawk hi ngawl hi.
Pathian in mithi khua he ahihang nang in na he bua hi.
9Pathian letna sia simlei sangin zaizaw a,
tuipi sang zong zaizaw hi.
10Pathian in nangma hong manin, thusit tu in hong puak le
ama a khaktan tu akua om ziam?
11Pathian in akua teng mannung ngawl ci sia he hi;
ama in amate tatsiatna theampo mu hi.
12Ngam laate a zual sa in a pian ciang
mi ngoaite a ciim hong kipan tu hi.
13Job awng, na thin maansak in, Pathian zuan in.
14Na bangkua sung pan siatna le tatkhialna teng heam in.
15Tuasia zawkciang dinmun kho le hangsanna taw
leitung vaite maingat kik in.
16Tuasia ciang, na ngimna theampo na ngaisutna pan a bosa
namthuam bangin kiciamtee nawn ngawl tu hi.
17Na nuntakna sia sunkim laitak nitaang sangin taang zaw tu a,
tuaciang na nuntakna a zingbel hunte
zing khuavak bangin taang tu hi.
18Ngal muanna le lametna taw kidim in na nungta tu hi;
Pathian in nang hong dal tu a, tawlngakna hong pia tu hi.
19Na ngalte na kiita buatu hi;
mihing tam mama in huna hong ngen tu hi.
20Ahihang mihing ngilote thinkiam in, a kiim a paam en tu a,
tuaciang suatak natu lam om ngawl cisia mu tu hi.
Amate lametna khat sia thina hong pai tu ci thu bek ahi hi.
Currently Selected:
Job 11: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
