Jeremiah 13
13
Puanneal Ngoaipuan Tom
1 Topa in va pai ta'n a, puanneal ngoaipuan tom pawlkhat lei in, teang paih ta'n; ahizong tuidia heak in hong ci hi. 2Tua ahikom tua ngoaipuan tomte lei in ka teang hi. 3Tuaciang Topa in kei hong paupui leleau a, 4“Euphrates ngun ah pai in, suanghawng khat sungah tua ngoaipuan tomte phual in,” hong ci hi. 5Tua ahikom ka pai a Euphrates ngun hui ah tua ngoaipuan tomte ka phual hi.
6Khuangei dingdeng zawkciangin Topa in Euphrates ngun ah pai kik ta'n a, ngoaipuan tomte va la ta'n hong ci hi. 7Hong sawl bangin ka pai kik a, ka phualna mun ka thet ciang puante sia zo a, pha nawn ngawlin ka mu hi.
8Tuaciang Topa in kei hong paupui leleau hi. Ama in, 9“Judah ii kiphatsak na le Jerusalem ii kiphatsakna lian mama sia hi bangin ka siasak tu hi. 10Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi. 11Ngoaipuan tomte in kawng ah a belh cinten bangma in Israel le Judah mite theampo in keima hong bel cinten tu ka dei hi. Hi bang a ka vawtna in amate sia ka mi a sua thei natu, hong pok thei in ka min a pataak thei natu ka deina ahi hi; ahihang amate in ka thu hong ni ngawl uh hi,” ci hi.
Sapit Thambeal
12 Topa Pathian in keima tungah, “Jeremiah awng, sapit thambeal theampo sapittui kidimh tu hi, ci in Israel mite son in. Sapit thambeal theampo sapittui a kidip tu sia he khu hi ci in amate in hong zo tu uh hi. 13Tuaciang keima Topa in hi ngam sungah a om mihingte theampo: David ii suan le paal kumpite, thiampite, kamsaangte le Jerusalem khua mite theampo sapittui a kham dong ka piak tu sia amate son in. 14Tuaciang a huai a khang a kibangin thambealte khat le khat kitaih in a kisukthap bangin amate ka susia tu hi. Khuangaihuai sakna, ciliapna ahibuale hesuakna te in amate ka thalup tu hong khaam zo ngawl tu hi,” hong ci hi.
Jeremiah in Kiphatsak ngawl natu Thupia
15Israel mite awng,
Topa in son zo hi!
Na thin uh neamsakin
a thu ngai vun.
16 Topa in khua a zinsak ma
mualte tungah na lutu uh ma in;
na lam et uh khuavak sia khuazing bikbek a suasak ma in,
Topa na Pathian uh patoai vun.
17Ka thu nong ngai bua uh le
na kiphatsak na uh hangin ka kap ku tu a;
thitui luangin nasia takin ka kap tu hi,
banghang ziam cile Topa ii mite sia ngalmatte bangin kipaipui zo hi.
18 Topa in kei tungah, “Kumpipa le a nu sia a kumpi tokhumte tung panin a tuaksuk natu in son in, banghang ziam cile amate ii a hoi mama a kumpi lukhute a lu tung uh panin taaksuk zo hi. 19Judah ngam thangsang khuapite sia ngalte in uumci zo a; a sungah kuama tum thei ngawl hi. Judah mite theampo a saltanna munah kipaipui siat zo hi,” hong ci hi.
20Jerusalem awng, en in! Na ngalte uh sia saksang pan hong paisuk uh hi! Nangma ii kep tu a hong kipia mihingte, na kiphatsak pui ahi na mite koisungah om ziam? 21Na lawm na ngual a na ngaisut mihingte kekeak in nangma hong zo in hong uk ciang bang na ci tu ziam? Nausuak tu numei khat taw kibangin nasa in na om tu hi. 22Banghangin, hi thute theampo na tungah hong piang ziam — banghangin na puante hong kileamkeak sakin, hong kibuan a, hong kikhialpui ziam ci in na dongh le — na mawna a nasiat lei lawlawm hang ahi hi. 23Mihing civom pa khat in a civom sia theak thei tu ziam, pawlbeam khat in a pawlna vawk thei tu ziam? A theak thei uh ahile siatna simngawl vawt dang a nei ngawl no zongh in a pha vawt tu sin thei tu nu hi. 24Sennealngam pan a hong va vui in taangphaw a muutkeak bangin Topa in note hong thethaang tu hi. 25Tusia note ii thuak tu ma ahi hi, ama in ci hi. Hisia sia noma taw kisai in ama ii a vawt tu a, a khensat sa hi, banghang ziam cile noma in ama na mangil zo uh a, pathian maan ngawlte na muang zo uh hi. 26Topa ama mama in noma puante hong hawkeaksak tu a, a maizum tu in hong pholaak tu hi. 27Ama ii huasaak nate na vawt uh sia ama in mu zo hi. Pa khat in a innpaampa ii zi a khialpui nop bang, ahibuale siphu tal lan khat ii anu khat a zuzui bangin doai biakna mualtung ah hikale, lo sungah hikale pathian dangte na zot uh sia ama in hong mu zo hi. Jerusalem mite awng, a lal hi nu hi! Bang hun ciangin thiangtho ngei tu nu ziam?
Currently Selected:
Jeremiah 13: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Jeremiah 13
13
Puanneal Ngoaipuan Tom
1 Topa in va pai ta'n a, puanneal ngoaipuan tom pawlkhat lei in, teang paih ta'n; ahizong tuidia heak in hong ci hi. 2Tua ahikom tua ngoaipuan tomte lei in ka teang hi. 3Tuaciang Topa in kei hong paupui leleau a, 4“Euphrates ngun ah pai in, suanghawng khat sungah tua ngoaipuan tomte phual in,” hong ci hi. 5Tua ahikom ka pai a Euphrates ngun hui ah tua ngoaipuan tomte ka phual hi.
6Khuangei dingdeng zawkciangin Topa in Euphrates ngun ah pai kik ta'n a, ngoaipuan tomte va la ta'n hong ci hi. 7Hong sawl bangin ka pai kik a, ka phualna mun ka thet ciang puante sia zo a, pha nawn ngawlin ka mu hi.
8Tuaciang Topa in kei hong paupui leleau hi. Ama in, 9“Judah ii kiphatsak na le Jerusalem ii kiphatsakna lian mama sia hi bangin ka siasak tu hi. 10Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi. 11Ngoaipuan tomte in kawng ah a belh cinten bangma in Israel le Judah mite theampo in keima hong bel cinten tu ka dei hi. Hi bang a ka vawtna in amate sia ka mi a sua thei natu, hong pok thei in ka min a pataak thei natu ka deina ahi hi; ahihang amate in ka thu hong ni ngawl uh hi,” ci hi.
Sapit Thambeal
12 Topa Pathian in keima tungah, “Jeremiah awng, sapit thambeal theampo sapittui kidimh tu hi, ci in Israel mite son in. Sapit thambeal theampo sapittui a kidip tu sia he khu hi ci in amate in hong zo tu uh hi. 13Tuaciang keima Topa in hi ngam sungah a om mihingte theampo: David ii suan le paal kumpite, thiampite, kamsaangte le Jerusalem khua mite theampo sapittui a kham dong ka piak tu sia amate son in. 14Tuaciang a huai a khang a kibangin thambealte khat le khat kitaih in a kisukthap bangin amate ka susia tu hi. Khuangaihuai sakna, ciliapna ahibuale hesuakna te in amate ka thalup tu hong khaam zo ngawl tu hi,” hong ci hi.
Jeremiah in Kiphatsak ngawl natu Thupia
15Israel mite awng,
Topa in son zo hi!
Na thin uh neamsakin
a thu ngai vun.
16 Topa in khua a zinsak ma
mualte tungah na lutu uh ma in;
na lam et uh khuavak sia khuazing bikbek a suasak ma in,
Topa na Pathian uh patoai vun.
17Ka thu nong ngai bua uh le
na kiphatsak na uh hangin ka kap ku tu a;
thitui luangin nasia takin ka kap tu hi,
banghang ziam cile Topa ii mite sia ngalmatte bangin kipaipui zo hi.
18 Topa in kei tungah, “Kumpipa le a nu sia a kumpi tokhumte tung panin a tuaksuk natu in son in, banghang ziam cile amate ii a hoi mama a kumpi lukhute a lu tung uh panin taaksuk zo hi. 19Judah ngam thangsang khuapite sia ngalte in uumci zo a; a sungah kuama tum thei ngawl hi. Judah mite theampo a saltanna munah kipaipui siat zo hi,” hong ci hi.
20Jerusalem awng, en in! Na ngalte uh sia saksang pan hong paisuk uh hi! Nangma ii kep tu a hong kipia mihingte, na kiphatsak pui ahi na mite koisungah om ziam? 21Na lawm na ngual a na ngaisut mihingte kekeak in nangma hong zo in hong uk ciang bang na ci tu ziam? Nausuak tu numei khat taw kibangin nasa in na om tu hi. 22Banghangin, hi thute theampo na tungah hong piang ziam — banghangin na puante hong kileamkeak sakin, hong kibuan a, hong kikhialpui ziam ci in na dongh le — na mawna a nasiat lei lawlawm hang ahi hi. 23Mihing civom pa khat in a civom sia theak thei tu ziam, pawlbeam khat in a pawlna vawk thei tu ziam? A theak thei uh ahile siatna simngawl vawt dang a nei ngawl no zongh in a pha vawt tu sin thei tu nu hi. 24Sennealngam pan a hong va vui in taangphaw a muutkeak bangin Topa in note hong thethaang tu hi. 25Tusia note ii thuak tu ma ahi hi, ama in ci hi. Hisia sia noma taw kisai in ama ii a vawt tu a, a khensat sa hi, banghang ziam cile noma in ama na mangil zo uh a, pathian maan ngawlte na muang zo uh hi. 26Topa ama mama in noma puante hong hawkeaksak tu a, a maizum tu in hong pholaak tu hi. 27Ama ii huasaak nate na vawt uh sia ama in mu zo hi. Pa khat in a innpaampa ii zi a khialpui nop bang, ahibuale siphu tal lan khat ii anu khat a zuzui bangin doai biakna mualtung ah hikale, lo sungah hikale pathian dangte na zot uh sia ama in hong mu zo hi. Jerusalem mite awng, a lal hi nu hi! Bang hun ciangin thiangtho ngei tu nu ziam?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016