Jeremiah 12
12
Jeremiah in Topa Thu dongh
1“Topa awng, nang taw ka thu ih kinial ciang,
nang na maan zaw tu hi.
Ahihang nang tungah thukhaikimna thu huvau kong dongh tu hi.
Banghangin mi seksolte nuamsa ziam?
Banghangin thu maan ngawl mite a tup uh taangtung ziam?
2Nangma in amate na suan a, amate in zung tha uh hi;
amate khangto in a nga nga uh hi.
Amate in a kam in nang hong phat son tawntung uh hi,
ahihang a thinsung tatak uh taw nang hong thusim ngawl uh hi.
3Ahihang, Topa awng,
kei nong he a; ka nasepna le
bang zata nang kong it zia na mu hi.
Tuute ngaw tu a, a kikaikeak bangin hi mi ngilote kaikeak in;
amate a kithalup tu hun dong keamcing in.
4Ih ngam sia bang tanvei kongaw tu a,
lo theampo sungah lopate bang tanvei kongaw tu ziam?
Nganhingte le vacimte thi dektak uh hi,
banghang ziam cile ih mite ii seksolna hang hi a,
ih mite in ‘Pathian in ih sep ih vawtte hong mu ngawl hi’ a ci uh hang ahi hi.”
5 Topa in, “Jeremiah awng, mihingte taw tai kidem a, toi na hi thong le,
bangbangin siphu taw tai kidem thei thong tu ni ziam?
leikolna ngam ah na dingto thei bua zen le,
Jordan ngun hui duithuk sungah bangbangin vaihawm zo thong tu ni ziam?
6Na suapuite le na innkuan puite ngawngawn in
nang hong leeheak zo hi;
amate sia nang hong dote taw kikop hi.
Amate in kamthum taw hong paupui uh zong um heak in,” ci hi.
A Mite hangin Topa ii Khuangaina
7 Topa in,
“Israel ka nusia zo hi;
ka tealsa minam ka nial zo hi.
Ka it mihingte a ngalte khut sungah ka pia zo hi.
8Ka tealsa mite in kei hong langpan uh hi;
dui sungah a om tawpi khat bangin amate in kei hong hawksan zo hi,
tua ahikom amate ka ensan hi.
9Ka tealsa mite sia
muthite ii a kiimkot pan a tuk siasua vacim khat taw kibang hi.
Poai siim tu in ngamsate sam vun!
10Hong uk ngamdangmi tam mama in ka sapithuan siasak uh hi,
amate in ka lote tuanhcil zo uh hi;
a dei huai ka leitang sennealngam suaksak uh hi.
11Amate in ka ngam sia ngam tawngtol suaksak uh a;
ka mu tangin ngamkhing mun suak hi.
Ngam buppi sia sennealngam suaksak a,
kuama in awlmawk ngawl hi.
12Sennealngam mun saang na theampo kaantan in
hong sut tu in mihingte hong pai zo hi.
Ngam buppi susia tu in ngal ka piangsak zo hi;
kuama thinnuam thin muangin
om thei ngawl hi.
13Ka mite in zungtaang ciing uh a,
ahihang lopa bek kaikhawm uh hi;
amate nasep hanciam mama ahi uh hang bangma nga ngawl uh hi.
Ka thin a uuk mama hu in a ankungte sia hi,” ci hi.
Israel ii Ngampaamte tungah Topa ii Kamciam
14 Topa in, “Israel ka mite tungah ka piaksa ngam a siasak Israel ii ngam paamte thu taw kisai son tu thu pawlkhat ka nei hi. Keima in tua mi seksolte sia a kizunglok keak thingkung khat bangin amate ii ngam panin ka la keak tu a, amate khut sung pan Judah mite ka suatak tu hi. 15Ahihang amate ka laak zawkciang amate ka hesuak tu hi; a minam simin amate ii leitang tung le a ngam tek ah ka paipui kik tu hi. 16Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi. 17Ahihang minam khat pawpo in thu a mang bua ahile, tua minam sia ka zunglok tu a ka lalsak tu hi. Keima Topa in ka son zo hi,” ci hi.
Currently Selected:
Jeremiah 12: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Jeremiah 12
12
Jeremiah in Topa Thu dongh
1“Topa awng, nang taw ka thu ih kinial ciang,
nang na maan zaw tu hi.
Ahihang nang tungah thukhaikimna thu huvau kong dongh tu hi.
Banghangin mi seksolte nuamsa ziam?
Banghangin thu maan ngawl mite a tup uh taangtung ziam?
2Nangma in amate na suan a, amate in zung tha uh hi;
amate khangto in a nga nga uh hi.
Amate in a kam in nang hong phat son tawntung uh hi,
ahihang a thinsung tatak uh taw nang hong thusim ngawl uh hi.
3Ahihang, Topa awng,
kei nong he a; ka nasepna le
bang zata nang kong it zia na mu hi.
Tuute ngaw tu a, a kikaikeak bangin hi mi ngilote kaikeak in;
amate a kithalup tu hun dong keamcing in.
4Ih ngam sia bang tanvei kongaw tu a,
lo theampo sungah lopate bang tanvei kongaw tu ziam?
Nganhingte le vacimte thi dektak uh hi,
banghang ziam cile ih mite ii seksolna hang hi a,
ih mite in ‘Pathian in ih sep ih vawtte hong mu ngawl hi’ a ci uh hang ahi hi.”
5 Topa in, “Jeremiah awng, mihingte taw tai kidem a, toi na hi thong le,
bangbangin siphu taw tai kidem thei thong tu ni ziam?
leikolna ngam ah na dingto thei bua zen le,
Jordan ngun hui duithuk sungah bangbangin vaihawm zo thong tu ni ziam?
6Na suapuite le na innkuan puite ngawngawn in
nang hong leeheak zo hi;
amate sia nang hong dote taw kikop hi.
Amate in kamthum taw hong paupui uh zong um heak in,” ci hi.
A Mite hangin Topa ii Khuangaina
7 Topa in,
“Israel ka nusia zo hi;
ka tealsa minam ka nial zo hi.
Ka it mihingte a ngalte khut sungah ka pia zo hi.
8Ka tealsa mite in kei hong langpan uh hi;
dui sungah a om tawpi khat bangin amate in kei hong hawksan zo hi,
tua ahikom amate ka ensan hi.
9Ka tealsa mite sia
muthite ii a kiimkot pan a tuk siasua vacim khat taw kibang hi.
Poai siim tu in ngamsate sam vun!
10Hong uk ngamdangmi tam mama in ka sapithuan siasak uh hi,
amate in ka lote tuanhcil zo uh hi;
a dei huai ka leitang sennealngam suaksak uh hi.
11Amate in ka ngam sia ngam tawngtol suaksak uh a;
ka mu tangin ngamkhing mun suak hi.
Ngam buppi sia sennealngam suaksak a,
kuama in awlmawk ngawl hi.
12Sennealngam mun saang na theampo kaantan in
hong sut tu in mihingte hong pai zo hi.
Ngam buppi susia tu in ngal ka piangsak zo hi;
kuama thinnuam thin muangin
om thei ngawl hi.
13Ka mite in zungtaang ciing uh a,
ahihang lopa bek kaikhawm uh hi;
amate nasep hanciam mama ahi uh hang bangma nga ngawl uh hi.
Ka thin a uuk mama hu in a ankungte sia hi,” ci hi.
Israel ii Ngampaamte tungah Topa ii Kamciam
14 Topa in, “Israel ka mite tungah ka piaksa ngam a siasak Israel ii ngam paamte thu taw kisai son tu thu pawlkhat ka nei hi. Keima in tua mi seksolte sia a kizunglok keak thingkung khat bangin amate ii ngam panin ka la keak tu a, amate khut sung pan Judah mite ka suatak tu hi. 15Ahihang amate ka laak zawkciang amate ka hesuak tu hi; a minam simin amate ii leitang tung le a ngam tek ah ka paipui kik tu hi. 16Amate in khatvei lai in ka mite Baal min taw kiciam tu in a hil bangma — amate in a thin theampo uh taw ka mite ii biakna saang thei tu a, ‘Topa a nuntak bangma in’ ci in a kiciam uh le — amate zongh keima mi ma hi tu a, a ma vangin nuamsa tu uh hi. 17Ahihang minam khat pawpo in thu a mang bua ahile, tua minam sia ka zunglok tu a ka lalsak tu hi. Keima Topa in ka son zo hi,” ci hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016