Isaiah 35
35
Thianthona Lampi
1Sennealngam lungdam tu a,
ngam tawnghtol sungah paakte palh tu hi.
2Sennealngam in lasa in, lungdam in au tu hi;
Tuasia in Lebanon mualte bangin et hoi a,
Carmel le Sharon lote bangin lei pha tu hi.
Mihing theampo in Topa ii a nasiatna,
a letna le a vaangletnate mu tu uh hi.
3A toi khutte le tha zawmin
a liing vadil khupte a tha khosak tu hi.
4“Hat vun a lau heak vun!
Pathian sia note hong suatak tu le
na ngalte uh daan pia tu in hong pai tu hi,” ci in
a thinkiamte theampo son vun.
5Mittawte in khuamu
thei tu uh a,
nangongte in khuaza tu uh hi.
6Peangbaite leangin laam tu uh a, a pau thei ngawlte lungdam in au tu uh hi.
Sennealngam sungah luituite luang tu hi;
7a kaangh sen sate sia tuili khat suak tu a,
lei kona sia ciktui taw kidimh tu hi.
Ngiate teen ngeina munah
buannawng sung a po lopa le pumpa kungte po tu hi.
8Tua munah, “Thianthona ii lampi” a kici
lampi lian khat om tu hi.
Mawneite kuama in tua lampi tawn nawn ngawl tu hi;
tua lampi a tawnte sia a mawmawte zongh lam pial ngawl tu hi. #35:8 sung laingual khakbel sia Hebrew lai in kithiangtel ngawl hi.
9Tua munah tawpite
om ngawl tu a,
a kiitakhuai nganhingte in
tua lampi kaantan ngawl tu hi.
Topa ii suatak sa mihingte in
tua lampi tawnin a inn uh ah cia tu uh hi.
10Amate in thinnopna taw lasa in, au in lungdamna taw
Jerusalem khua theng tu uh hi.
Amate heena le khuangaina taw kipeal tawntungin,
lungdam top tu uh hi.
Currently Selected:
Isaiah 35: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
