Ezekiel Thupatna
Thupatna
Kamsaang Ezekiel sia BC 586 kum in Jerusalem khuapi a bo ma le a bo zawk hunsung teng in Babylon ah saltaang in teang hi. Ama ii thupuak teng sia Babylon ah saltaangte le, Jerusalem mite atu ahi khawm hi. Ezekiel laibu sia khen luk in kikhen hi. (1) Pathian in Ezekiel sia kamsaang khat tu in a sapna (2) Hong tung pheang tu Jerusalem lalthap natu le bo natu le mihingte tungah Pathian ii thukhen natu huvau amate kidop khol natu (3) A mite nengcip in a kilampui khial ngam tuatuamte tungah ama ii thukhen natu taw kisai Topa ii thupuakte (4) Jerusalem khua bo zawkciang Israel mite a kihenepna le maisang hun a nopsak zawk natu kamciamna (5) Gog tungtaang sonkholna(6) Biakinnpi le ngam kipuuaphat kik natu Ezekiel ii muna.
Ezekiel sia upna thuk mama a nei pa le thu tuatuam a ngaisun thei pa ahi hi. Ama ii mukholna thute tam mama sia mukholna pan veu hi a, tuaciang ama thupuakte sia a kician sinsen lim taw veu kilak hi. Ezekiel in sungsang lungtang le thaa kithaksua tu thupisak a, mihing simin, ama ii khialna tungah vaipuak a neina thupi son hi. Ama in ngam buppi ii nuntakna a kithaksua natu lametna a nei thu zongh taangko hi. Thiampi khat hi si a, kamsaang khat a hi si na taw ama in biakinnpi le thiantho natu a kisapna thu a kin vawtbel pa ahi hi.
A kihel Thulute
Ezekiel a kisapna 1:1—3:27
Jerusalem lalcip natu thupuak 4:1—24:27
Ngam tuatuamte tungah Pathian thukhenna 25:1—32:32
A mite tungah Pathian kamciamna 33:1—37:28
Gog huvau kamsaanna 38:1-39,29
Maisang Biakinnpi le ngam pianzia tu mukholna 40:1—48:35
Currently Selected:
Ezekiel Thupatna: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016