Thuhilsya 12
12
1Na thinngim tu ni le a kum hong thet ma, “Nuntak paw nuamsa bong” na ci ma, na khangmoi lai in nang hong Bitphuapa phawk in. 2Tua hun sia, ni le tha le aksite ii tanna nang atu in a dial hun le ngua meei a ven nawn ngawl hun ahi hi. 3Tuasia ciang nang hong dal na baante liing tu a, tu laitak a, a hat na peangte tha zawm tu hi. Na hate na an thai tu in tawm lei tu a, na mitte mangin khua pha tak na mu thei buatu hi. 4Na bil in khuaza ngawl tu a, lampi ah awngingte na za buatu hi. An ngoaina sette a kingoai ciang ahizong, tumtheite a kitum ciang ahizong, nakheng phaksap vamial in na za tu a, ahizong vacim khat po haam in na mut hong phawng tu hi. 5Mun saangna ah na kiinta tu a, na lampai ciang lauhuai tu hi. Na puakkaang tu a; nangma le nangma kikai vakiat in, na lungngul theampo bo tu hi.
Eite in a khakbel ih tawlngak natu mun ih zuan tu a, lampite ah mauna om tu hi. 6Ngunnkhau tat tu a, khamh meiinn taaksuk in tamhtham tu hi; tuikhuk ah khauzeen sia tatin tuibeal zaantham tu hi. 7Ih pumpite leivui ah cia kik tu a, ih thaa ahile nuntakna hong pia pa Pathian kung zuan kik tu hi.
8Luithawthong, luithawthong, Thuthuk Ngaisunpa in ci hi. A vekpi a luithawthong ahi hi.
Thu Ngawmtuana
9Thuthuk Ngaisunpa sia ciim ahikom ama in a heak thute mihingte tungah hil hi. Ama in paunakte encian a, tuate a maanna sittel hi. 10Thuthuk Ngaisunpa in a henepna kammalte zong a, ahihang ama ii a at kammalte a maan tatak veu hi. 11Mihing ciimte ii paunakte sia tuucingte ii tuute a cinna tu a, a zak ciangzumte bang hi a, a khoptua paunakte sia kho takin a kikhen thikpimte bang ahi hi. Tuate sia eite theampo hong cing ih tuucingpa Pathian ii hong piak ahi hi.
12Ka tapa awng, kidop tu thudang khat om lai hi. Laibute a ki at sia tawp hun ci om thei ngawl a, lai tam lei simna in pumpi thazawmsak hi.
13Hite theampo zawkciang son tu thu khat bek om lai hi: Pathian thasia in a, a thupiakte ni in, banghang ziam cile hite theampo sia mihing a kibitphuana thu ahi hi. 14Pathian in ih sep ih vawtte theampo, a pha ahizong, a sia ahizong, ih vawt kute ngawngawn dongin thu hong khen tu hi.
Currently Selected:
Thuhilsya 12: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
