Thuhilsya 10
10
1Tho thisate in paaknamtui bung bup khat uihsak thei a, mawmawtna tawmno khat in ciimna lianbel siasak thei hi.
2Mihing ciim khat in a maan khat a sep tu le, a mawmaw khat in a maan ngawl a sep tu sia a ngeina ahi hi. 3Ama mawmawtna sia lampi ah a kisikpui khualmite ngawngawn in tel pai a; ama mihing mawmaw ahi hunlam mihing theampo in hesak hi.
4Nang hong ukpa na tungah a thin a uuk le nasep tawp tu ngen heak in; thim dide in na om le khialna liante zongh hong kimaisak thei hi.
5Hi leitung ah a dik ngawl thu khat ka mu a — ngamukte ii a kilawm ngawl ngamtatna ahi hi. 6Mihing mawmawte thuneina dinmun kipia a, mihaute kimel sia hi. 7Silate siphu tungah to a, kumpinamte silate bangin peang taw vak ka mu hi.
8Dum na to le a sungah na taak tu a; luphung khat na sulet le ngul khat in nang hong tu tu hi. #Ps 7:15; Pau 26:27 9Suangkhuk ah na na seam le suang taw na liam tu hi. Thing na ek le tua nasepna taw na liam tu hi. 10Na hei a mawl a, na taat buale na zak ciang na nasep haksa zaw tu hi, maisang atu zeak khol sia pha hi. 11Ngul zol thiam napi na tusak masa le ngul zol na thiam sia a phat tuamna om ngawl hi. 12Mihing ciim khat ii kampauna in ama min phasak a, ahizong mihing mawmaw khat sia ama kammal ma in siasak hi. 13Ama in a mawmawthuai kampau a, mawmawt kam taw khup hi. 14A mawmaw khat sia papau in lului hi.
Kuama in maisang thupiang tu he ngawl a, ih thi zawkciang bang suak tu cisia kuama in hong son thei ngawl hi.
15Inn lam a zong kik thei ngawl, a mawmaw leilam khat sia a nasepna taw zawm law tu hi.
16Ngam uk kumpipa khangmoi lai in, ngam lampuite in zan tha pai in poai a khaam uh le, tua ngam sia ngim nga hi. 17Ahizong kumpipa in ama thu in thu a khensat thei a lampuite in a hun maanin an ne in, amate le amate zu khamcip ngawl natu, a ki uk zo le tua ngam sia a hampha ngam ahi hi.
18Pasal khat a datham lei in a innkhum a pua buale a inn kuai tu a, a inn cimh tu hi.
19Poai khaamna in nang hong lungdamsakin, sapittui in hong maitaisak hi, ahizong khat zongh sum ngawl taw na nga thei bua hi.
20A thimtham in kumpipa son sia heak in a, sumhaupa sia na aituam lupna inndoi sung zongh ah sonsia heak in. Vacim khat po in na pau teng amate thu puakin son tha tu hi.
Currently Selected:
Thuhilsya 10: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
