TITUX 2
2
Lox Sidiex Gau Pa Mawh Meh
1Maix krai grawh grawng ceu pa khaw mai lox gau pa mawh meh khankix. 2Son simex pa riex ju khankix sang mawh pa chix rien tix, pa chix keud mhawm mhawm, chix priex rhawm tix, pa kaux cong ka daux krax yum rhawm mai ka daux krax moh mai ka daux krax gun yeung heue. 3Awm an bun riex ju khankix kawx sang mawh pa chix nab yam ka daux ceu pa yuh tix, son ang kix sang mawh pui pa nieb bied ti krai grawng pui, siliex plai plix siiet tom nie, sonsang mawh cao gau ka ceu pa mhawm. 4Son sang gau kix ka bun pa awn ju khankix, moh ka mex tix, moh ka kawn tix. 5Son sang mawh pa chix keud ti priex rhawm tix, pa singax, pa chix yuh kaing nyiex tix, pa mhawm rhawm, pa chix cu chix nghiet ka mex tix, son ang sang koe dee salao ka gumlox Siyiex heue. 6Awm an ka simex awn ju khankix kawx gau son sang mawh kix pa chix keud ti priex rhawm tix. 7Ka daux ku ceu khawmuik jhi ti kieh tokaux tix mawh mhai pa jawh ka grawng pa mhawm pa yuh tix, ka daux ceu pa gau maix, paw kieh koe pa ang mhawm pa sium, kieh koe rhawm pa chix keud mhawm mhawm, 8Kieh lox pa sidiex gau maix mawh pa mawh meh, pa ang koe dee deuh phimap kah, son kaw pa ang khaw plak ex, sang hoek krax kaig twa kheu ang nawh koe ceu pa caox ti ah grawng ex heue. 9Jeeh nyaw ka pa mawh siliex khankix, son sang chix ot kix greem cao tix mai yuh ceu pa khaw ka cao kix ka daux ku ceu khawmuik, paw kieh thiang, 10paw kieh briex tieh, kieh jhi sijax pa mhawm ka daux khawmuik, son sang kieh kix ceu pa gau cie Siyiex, Cao Taoh ex, koe pa mhawm grang ka dau ku ceu khawmuik heue. 11Bwanson Siyiex hoik lih bleeh, viex krax taoh ka pui khawmuik, 12gau ka ex, sonsang thiang ex ti tik ka ceu pa ang nab yam mai pa ang khaw ka Siyiex, alo pa dex dawd haktiex, son sang chix keud ti priex rhawm tix, yuh pa rahsee, yuh pa nab yam mai ceu pa khaw ka Siyiex ka daux ju in heue. 13Jhak son krax keud pot jun pot pa ting bwanson, pa lih bleeh min pakngai Siyiex pa ting pa mawh Yesux Khrit Cao Taoh ex, 14Kaw pa hoik tawx tokaux tix son ex, son sang taoh Nawh ex khaing daux phimap khawmuik, #Yaog 130:8yuh ti kieh pui tix ceu singax son sang mawh cie tokaux tix,#Lih 19:5; Pi 4:20, 7:6, 14:2, 26:18; 1Pe 2:9 pa nied ti coca ti yuh kaing pa mhawm heue.
15Jeeh nyaw mai sidiex gau ceu in khankix, viex sibrawm khawmuik ti ah kah heue. Paw kieh pui tix kaux kawx nunai ka maix awx.
Currently Selected:
TITUX 2: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
