ROMAX 13
13
Kawn Khrit Mai Simiang Haktiex
1Kieh pui ku kaux koe krax cu nghiet ka simiang pa giex kaing pa ting piang tix. Grawh grawng nawh ang koe sibrawm ti mawh simiang, phan ang mawh, kheu Siyiex mai kix pa mawh simiang yam in kawx, mawh pa ciak Siyiex ti deuh heue. 2Mawh kheu nan kaw pa lheu lox simiang, mawh pa thieh ka been pa deuh Siyiex heue. Kix pa thieh kah, tak sang pon pa prawng ciyang ka tokaux tix heue. 3Grawh grawng nawh pa giex kaing khankix ang mawh ceu pa lhat graung kaing pa mhawm kah, viang mawh nan mawh pa lhat graung ka son kaing pa caox heue. Maix mie ti mawh pui pa ang lhat ka sibrawm simiang lie? Yuh ceu pa mhawm mai maix tak sang pon pa yaw simiang kah heue. 4Simiang mawh pui cau soi Siyiex ka maix, son ceu pa mhawm heue. Viang mawh nan phan maix yuh pa caox, lhat graung ka awx, grawh grawng nawh simiang nieb kawg vaig giex ang mawh, mawh kheu simiang mawh pui cau soi Siyiex, pa mawh cao pa pawk bix, tang pa song rhawm, ka pui pa yuh pa caox heue. 5Mawh kheu nan pex tak lai koe krax cu nghiet ka simiang, ang joeng mawh ngie kheu krax song rhawm an, viang mawh nan mawh kheu khawm pa koe dee chix keud ti tawng grawng mawh pa mhawm ang mhawm heue. 6Mawh kheu jao in pex tom tawx mau koh heue. Kix mawh pui cau soi ka kaing Siyiex, pa kia ka kaing ceu in ku jheung jheung heue. 7Mawh kheu nan tawx ka kix khawmuik awm pa khaw ti tawx kah Tawx mau koh ka pui pa khaw ti pon mau koh. Tawx mau koh keun ka pui pa khaw ti pon mau koh keun. Lhat ka pui pa khaw ti lhat graung kah yungyi ka pui pa khaw ti yungyi ka heue.#Mat 22:21; Mak 12:17; Luk 20:25
Muh Ka Paox Plawg Paox Nyhawm
8Paw koe ceuk ka pui tix kaux kawx, lheu khaing pa moh ka paox tix. Grawh grawng nawh kaw pa moh ka paox plawg tix, hoik kieh lox lai beenli grum naog heue. 9Mawh kheu lox lai beenli pa ah nin, “Maix paw lud vao,#Lih 20:14; Pi 5:18 Maix paw teei ju pui yum, #Lih 20:13; Pi 5:17 Maix paw briex.#Lih 20:15; Pi 5:19 Maix paw ghoing ka heue.”#Lih 20:15; Pi 5:19 phan koe lox tawm lai beenli tang ceu tix ceu ceu,#Lih 20:17; Pi 5:21 hoik grum ka daux gumlox in, “Maix moh ka paox plawg awm moh ka tokaux tix heue.”#Krub 19:18 10Pa moh pa rhawm ang chix yuh krax caox ka paox plawg tix heue. Mawh kheu nan pa moh rhawm mawh pa kieh lox lai beenli grum naog kah heue.
11Lheu khaing an, kheu tawng ka bawg yam in, pex tawng grawh grawng hoik hoek bawg yam pa khaw pex ti siduad khaing it, grawh grawng nawh krax taoh nie lheu dex ka ex yam in, khaing yam jah ex ti yum rhawm heue. 12Bawg yam ponsawm dex sang hoik mai bawg yam pon ngaix dex sang hoek heue. Mawh kheu nan kieh ex peeik ti tik kaing pa dex mai pa faik mai kieh ex ceep kraung naing pa riang heue. 13Kieh ex hu ka daux pa khaw caw, awm yam pon ngaix, ang mawh ka daux pa silao ka pawie mai pa yoek ka plai, ang mawh ka daux pa kraing pa nieb yuh hawt alo nex nham, ang mawh ka daux pa simah simiang mai pa boh rhawm heue. 14Viang mawh nan pex teei ti ceep Simiang Yesux Khrit mai paw keud paw cox son nex nham, sonsang kieh alo nex nham grum naog heue.
Currently Selected:
ROMAX 13: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
