YAOGYAW 99
99
Siyiex Mawh Pa Ting Siawp Sibrawm
1Siyiex mawh cao pa giex kaing mai kieh kawn pui khankix koe pa lhat graung heue. Nawh Cao ot ka piang Cherubin#Lih 25:22 heue. Kieh haktiex khankix yung yiang heue. 2Siyiex pa ting lhaong ka piang gawng Zion mai yaog ti kieh Nawh ting lhaong ka piang kawn pui khawmuik heue. 3Kieh kix yaogyaw ka ceu kaux Nawh, pa ting lhaong mai kieh koe krax pa lhat graung liak. Grawh grawng nawh, Nawh Cao mawh pa singax singeh heue. 4Simiang pa ting sibrawm moh krax pa prawng ca pa rahsee heue. Maix kieh krax pa prawng ca rahsee mai kaux cong mai krax pa prawng ca pa rahsee ka daux geh nyiex Yakop heue. 5Yaogyaw ka Siyiex ex liak. krub ka Nawh, sivoe ngot dee deuh Nawh Caong tix, grawh grawng nawh, Nawh Cao mawh pa singax singeh heue. 6Ka daux cao giex kaing li khankix, mawh Mose mai Arun, ka daux kix pui pa krub ka ceu kaux Nawh mawh Samoelax, pui in khankix yam krub kix ka Siyiex, Nawh Cao deeh pawk lox kix heue. 7Nawh Cao ot ka daux rong paiawm#Lih 33:9 mai sikah ka kix heue. Kix kawx, priex tix hawt ka lox pa kham Nawh sakse mai ka lox tawm beenli pa deuh Nawh khankix heue. 8Siyiex ex eue, Maix deeh pawk lox kix heue. Viang Maix tawx phimap awm ceu pa hoik yuh kix kawx, Maix mawh Siyiex Cao pa lang gun lang yeung ka kix heue. 9Yaogyaw ka Siyiex mai krub ka Nawh ka gawng pa singax singeh Nawh heue. Grawh grawng nawh, Nawh Cao mawh pa singax singeh heue.
Currently Selected:
YAOGYAW 99: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
