YAOGYAW 86
86
Lox Rawg Bwan Sonsang Teem
1Siyiex eue, veeh yhaok Maix nghiet lox aux liak. Aux mawh pa hot pa sibhawm heue. 2Siyiex aux eue, priex ka ju aux, mawh kheu mawh aux pui pa moh Maix mai taoh ka siliex pa deuh rhawm ka Maix liak. 3Siyiex eue, aux sawg tix kok yo Maix leeing lang singaix heue. Cauxrhawm teem ka aux liak. 4Siyiex eue, mawh kheu sawg aux ka Maix, kieh rhawm siliex Maix gaux rhawm gaux rhi liak. 5Siyiex eue, Maix hoik grum naog rhawm rhi pa mhawm mai rhawm pa gun pa yeung, can pui pa rawg bwan ka Maix pon krax caux rhawm Maix tom nie heue. 6Siyiex eue, nghiet ka lox pa rawg aux bwan mai caux rhawm ka ceu pa rawg pa mhaing aux liak. 7Singaix yam yaox aux krax khi rhawm, aux kok yo Maix mai deeh pawk ka lox aux liak. 8Siyiex eue, ka daux siyiex khankix, Siyiex pa awm Maix ang koe, kaing pa yuh kawx, pa awm kaing pa yuh Maix ang koe heue. 9Siyiex eue, can ceu pui pa phan pa deuh Maix khankix, greed tix hoek grux ngawng sivoe ngai Maix mai yaogyaw min plakngai ceu kaux Maix heue.#Jhi 15:4 10Maix mawh Cao pa ting lhaong mai hoik yuh ceu pa daox am khankix heue. Siyiex mawh ngie Maix tix kaux khaing heue. 11Siyiex eue, jhi daux krax Maix ka aux liak. Aux tak sang hawt daux krax pa mawh meh Maix heue. Kieh rhawm aux grum dex mai kied lhat kied graung ka ceu kaux Maix liak. 12Siyiex aux eue, aux viex khawm rhawm khawm rhi mai yaogyaw ka Maix mai yaog ceu kaux Maix ting lhaong jheung jheung heue. 13Krax pa caux rhawm Maix, kied ting ka piang aux heue. Maix hoik taoh ju aux lih khaing tawm taix ka greem meung yum heue. 14Siyiex eue, pui pa ting rhawm ting rhi khankix, kaoh cung tang plak ka aux mai cub pui pa caox caig khankix, ang khan ngai Maix mai sawg ti teei ju aux heue. 15Siyiex eue, Maix mawh Siyiex pa grum naog krax pa caux rhawm mai Cao pa chix yuh bwanson mai pa chix gun chix yeung mai krax pa caux rhawm pa kaux sijax tom haoh tom hun heue. 16Veeh ngai Maix plak aux mai caux rhawm teem ka aux liak. Tawx riang tawx rao sibrawm Maix ka aux mai taoh ka kawn simex, bun siliex cawng Maix liak. 17Jhi aux yaox mhai ceu pa daox am pa mhawm mai kieh pui pa koeng ka aux, yaox mai kieh kix kaig tua liak. Grawh grawng nawh, Maix teem ka aux mai tawx pa nyawm rhawm liak.
Currently Selected:
YAOGYAW 86: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
