YAOGYAW 67
67
Lox Rhax Yaogyaw Ka Bwanson
1Kieh Siyiex pa koe krax caux rhawm tawx bwanson ka ex liak, jhan pa riang pakngai Maix ka ex liak. 2Kieh kawn pui piang haktiex tawng ka grawng krax pa yuh Maix, kieh ceu pui khawmuik pon bwanson krax taoh Maix liak. 3Siyiex eue, kieh ceu kawn pui yaogyaw ka Maix, kieh kawn pui yaogyaw ka Maix liak. 4Kieh ceu pui kuceu gaux rhawm mai rhax lai gaux rhawm liak, grawh grawng nawh, Maix prawng ca kawn pui ka daux beenli pa rahsee mai Maix tawx krax nyawm rhawm ka ceu kawn pui piang haktiex khawmuik heue. 5Siyiex eue, kieh ceu kawn pui yaogyaw ka Maix, kieh kawn pui yaogyaw ka Maix liak. 6Haktiex tang deeh chix plix, Siyiex mawh Cao pa tawx bwanson ka ex heue. 7Siyiex tak sang baox tawx bwanson ka ex mai tak lhat graung ka Nawh Cao tom sidah haktiex khawmuik heue.
Currently Selected:
YAOGYAW 67: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
