YAOGYAW 64
64
Lox Rawg Bwan Sonsang Teem
1Siyiex eue, nghiet ka lox pa rawg aux bwan, taoh ju aux khaing pui pa koeng ka aux mai teem ka aux liak. 2Tiebtie aux khaing pa keud pui pa caox ti yuh mai pa kum kix ti yuh phimap liak. 3Cub pui an khankix, dak kix awm vaid pa hoik klaing tix, pa kix hoik rien lox pa song awm te pa hoik nyeu tix heue. 4Kix ot dee glip mai ah ti sang puing ka pui mhawm heue, kix ting rhawm khawm puing tix mai ang lhat heue. 5Sonsang yuh kix pa caox pa ang mhawm mai tawx riang tawx rao ka paox tix, tix kaux lai ti kaux mai kum paox tix grawng sang taong kie mai kix ah nin, pui mawx pa tak sang yaox ex. 6Kix chix sawg mai chawk cheng ka grawng see pa ang rahsee, kix chix klawng kloek ti chawk khawmuik mai pa keud kix ka daux rhawm tix, mawh pa kied raux kied mox heue. 7Viang mawh kawx nan, Siyiex tak puing kix ka te dom mawx dom an mai kix kied mat kied lheet heue. 8Dak kix deeh puing ka cao kix mai yam yaox pui ka kix, vuhvied kaing mai to heue. 9Pui khankix khawmuik, lhat graung mai tawng pa yuh Siyiex mhawm mhawm mai krai ka pui khankix heue. 10Pui pa rahsee khankix, tak gaux rhawm mai deuh rhawm ka daux Siyiex heue. Pui pa rahsee rhawm rhi khankix tak yaw rangdi heue.
Currently Selected:
YAOGYAW 64: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
