YAOGYAW 57
57
Lox Rawg Bwan Sonsang Teem Coi
(Yaog 108:1-5)
1Siyiex eue, caux rhawm ka aux liak, caux rhawm ka aux liak. Ju aux deuh rhawm ka Maix mai deuh rhawm tix ka greem veei pruik Maix tom sidah luan ceu pa khi rhawm heue. 2Aux tak kok yo ka Siyiex Cao pa ting lhaong, Cao pa kieh see aux hoik mhawm heue. 3Nawh Cao ot meung raoma mai taoh ka aux, pui pa ting rhawm ting rhi khankix kaig tua heue. Siyiex tak sang tawx krax caux rhawm mai sijax mukheu pa kaux hoek heue. 4Ju aux ot ka daux cub sivai sangsi, aux yaox ti it mai pui ka daux glah ngu mai rhang kix awm pliah mai te, dak kix awm vaid pa kied lawm heue. 5Siyiex eue, kieh Maix nie lheu lhaong khaing lhaong raoma liak mai kieh min plakngai Maix, tah hu ka piang haktiex in khawmuik liak. 6Kix hoik taong ti deuh kie ka daux krax pa hu aux, rhawm rhi aux hoik iak hu ka dee tiiem mai kix hoik kaong ti deuh daux sivoe aux, tokaux kix deeh rau ka daux an tiru heue. 7Siyiex eue, rhawm aux kaux cong heue, rhawm aux kaux cong heue. Aux rhax lai yaogyaw ka Maix heue. 8Ju aux eue, siduad heue, chiang mai ting khankix eue, siduad heue. Aux kawx siduad caocao heue. 9Siyiex eue, Aux tak yaogyaw ka Maix sinax pui hun khankix heue. 10Grawh grawng nawh, krax caux rhawm Maix hoek tom sidah raoma mai pa kaux sijax mai pa mawh meh Maix, hoek tom sidah paiawm heue. 11Siyiex eue, kieh Maix nie lheu lhaong khaing lhaong raoma liak. Kieh min plakngai Maix tah hu ka piang haktiex khawm bee ma liak.
Currently Selected:
YAOGYAW 57: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
