YAOGYAW 47
47
Cao Pa Giex Kaing Pa Ting Sibrawm
1Ceu kawn pui khawmuik eue, dieh taix tix awx. Ah lox sinum mai kok yo ka Siyiex awx. 2Grawh grawng nawh Siyiex mawh Cao pa ting lhaong khaing khawmuik mai mawh Siyiex pa caw ex tix lhat graung kah, Nawh mawh Simiang pa giex kaing ka piang haktiex khawmuik heue. 3Nawh Cao teei ti deuh ceu pui khankix ka greem mai cub pui ku cub, deuh ka greem caong ex heue. 4Nawh Cao laug ti teei ka Yakop pa moh Nawh, sonsang mawh sin min plakngai son ex heue. 5Siyiex kok yo lox pa gaux rhawm mai lox phlu teettawng mai haok heue. 6Ah lox rhax mai yaogyaw ka Siyiex awx. Mai ah lox rhax yaogyaw ka simiang mai ah lox rhax awx. Ah lox rhax heue. 7Grawh grawng nawh Siyiex mawh Cao pa giex kaing piang haktiex khawmuik, ah lox rhax yaogyaw ka Nawh heue. 8Siyiex giex kaing piang ceu kawn pui khawmuik mai Nawh Cao ngawm ka piang dang ngeung Nawh, pa singax singeh heue. 9Kuad song nong yu cub pui ku cub khawmuik, khrawm paox tix hoek ka kawn praix Siyiex Abraham heue. Grawh grawng nawh, kraung pa tiebtie mawh kraung cie Siyiex mai kieh Nawh mawh Cao pa ting lhaong heue.
Currently Selected:
YAOGYAW 47: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
