YAOGYAW 29
29
Lox Cie Simiang
1Kawn praix Siyiex khankix eue, yaog min plakngai Siyiex mai sibrawm Nawh heue. 2Tawx min plakngai ka ceu kaux Siyiex mai teei ti ceep kraung pa singax singeh mai krub ka Nawh heue.#Yaog 96:7-9 3Gumlox Siyiex koe ka piang rawm sigrit sigra mai Siyiex pa ting min plakngai, kieh praix sinum, Siyiex ot ka piang rawm khankix heue. 4Gumlox Siyiex mawh pa grum naog sibrawm mai gumlox Siyiex grum naog ka min plakngai pa ting heue. 5Gumlox Siyiex, raig ti tik ka khaox piakvan mai Siyiex raig ti tik ka khaox piakvan pa koe ka piang gawng Lebanon khankix heue. 6Siyiex kieh gawng Lebanon mai gawng Sirion jaloh awm kawn mawie mai kawn mawie praix heue. 7Gumlox Siyiex, kieh rao ngu gwieh tix heue. 8Gumlox Siyiex kieh daux tiag tu yung yiang mai Siyiex, kieh daux tiagtu Kadeshax yung yiang heue. 9Gumlox Siyiex kieh cak miex keh kawn mai gah ti tik khaox ox khankix mai can pa ot ka nyiex Nawh Cao khawmuik krai grawng min plakngai Nawh Cao heue. 10Siyiex ot ka piang rawm pa hoik kheem an mai Siyiex ngawm mai yuh Simiang leeing ju heue. 11Siyiex tawx riang rao ka pui Nawh khankix mai Siyiex nawb bwanson pa nhim ka pui Nawh khankix heue.
Currently Selected:
YAOGYAW 29: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
