YAOGYAW 2
2
Simiang Pa Hoik Laug Siyiex
1Mawh kheu patix ceu kawn pui khankix, rien ti sang tieh feen ka Siyiex. Mawh kheu patix ceu pui in khankix, briex kum kawng paox tix, sonsang yuh kaing pa ang koe ceu koe cag yuh ka mawx? 2Simiang haktiex khankix mai simiang khankix ah nin, “Ex briex kum kawng paox tix sonsang tieh feen ka Siyiex mai phyawk ka Simiang Cao Khrit#Cau 4:25-26 pa hoik laug Nawh Cao heue.” 3Ex tieh feen ka kix, sonsang luan ex khaing pa kwang kix ka ex mai kix ah nin, ex yieh ti tik ka pa kwang kix ka piang ex heue. 4Siyiex ngawm ka piang dang ngeung tix ka piang raoma mai nyiah ka kix heue. Nawh Cao kieh kix kaig tua heue. 5Nawh Cao sikah ka kix ka daux pa song rhawm mai Nawh kieh kix khi rhawm mai lhat graung ka pa kied song rhawm Nawh heue. 6“Aux hoik deuh Simiang cie Aux, ka piang gawng Zion pa singax singeh cie Aux heue.” 7“Aux tak sang krai lox pa hoik krai Siyiex ka pui khankix, “Maix mawh kawn simex Aux, Aux hoik kieh maix keh daux in singaix heue.#Cau 13:33; He 1:5, 5:5 8Rawg ka Aux heue, Aux tak sang tawx ceu pui khawmuik ka maix mai haktiex khawmuik kawx mawh cie maix heue. 9Maix teei khaox gix rhiem mai kwang ka piang kix#Jhi 2:26-27, 12:5, 19:15 mai maix tak sang pah kix phawng, awm pah ka aw tiex phawng heue.” 10Mawh kheu nan, simiang khankix eue, kieh pex koe pingnya, mai simiang haktiex khankix eue, nghiet ka lox pa sidiex Aux yam in awx. 11Yuh kaing jhaw Siyiex ka daux pa lhat graung mai gaux rhawm gaux rhi heue. 12Ngeet ka kawn Cao, phan ang yuh nan, Nawh tak song rhawm mai maix tak hoek krax laux leeing heue. Pui pa een rawm ka Nawh Cao pon bwanson heue.
Currently Selected:
YAOGYAW 2: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
