YAOGYAW 146
146
Yaogyaw Ka Siyiex
1Yaogyaw ka Siyiex heue, ju aux eue, yaogyaw ka Siyiex heue. 2Yam kawn im ju aux, aux tak sang yaogyaw ka Siyiex heue. Aux tak yaogyaw ka Maix yam kawn klawd aux heue. 3Paw deuh rhawm ka simiang khankix mai ka kawn pui, pa ang chix taoh. 4Yam lih ju khaing nawh, nawh deeh ka tiex heue. Ka daux singaix an, krax pa keud sawn nawh kawx grai hu heue. 5Pui pa teem Siyiex Yakop mai pui pa krox jun ka Siyiex nawh, koe bwanson heue. 6Nawh Cao yuh raoma mai haktiex mai rawm sigrit sigra mai can pa koe khawmuik, Nawh priex ka sijax mukheu tix jheung jheung heue. 7Nawh Cao prawng ca hawt beenli mai ot plak pui pa yaox ti kham geu krax tuktiaktukte heue. Nawh tawx pui pa cai rhawm khankix sawm mai Nawh ploi ka pui pa hoik laung khankix heue. 8Siyiex kieh pui pa dug ngai khankix deeh chix yaox heue. Siyiex yaog pui pa awn rhawm khankix kaoh heue. Siyiex moh ka pui pa rahsee khankix heue. 9Siyiex teem ka nyo sinie khankix mai joh jhan ka miexmai mai kawn doe khankix heue. Krax pui pa ang rahsee khankix, Nawh kieh kawk vawk heue. 10Veng Zion eue, Siyiex maix mawh Simiang ku ju leeing ju heue. Haleluya!
Currently Selected:
YAOGYAW 146: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
