YAOGYAW 128
128
Pui Pa Nghiet Ka Lox Siyiex
1Pui pa lhat graung ka Siyiex mai pa hawt hu ka daux krax Nawh khankix, koe bwanson heue. 2Phan yuh nan maix tak yaox ti ih ka ceu pa yuh ka taix tix heue. Maix tak koe bwanson mai yaox ti ih mhawm mhawm heue. 3Moeng maix tak awm nhu plix siiet pa plix tom nie, ka daux nyiex maix kawn praix maix rob vung viang pheen sawm maix, awm khaox sanlun pa sum ti deuh heue. 4Pui pa lhat graung ka Siyiex khankix koe bwanson yuh nan heue. 5Siyiex, tak ot ka piang gawng Zion mai nawb bwanson ka maix mai maix tak yaox bwanson pa pon veng Yerusaliem ka ju maix heue. 6Tak sang kieh maix yaox ka kawn saux maix khankix heue. Kieh pa nhim koe ka piang ceu pui Isarelax liak.
Currently Selected:
YAOGYAW 128: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
