YAOGYAW 120
120
Lox Rawg Bwan Sonsang Teem
1Aux kok yo ka Siyiex yam yaox aux krax kha rhawm mai Nawh nghiet ka lox aux heue. 2Siyiex eue, taoh ju aux lih khaing jheeh pui pa ang koe sijax mai khaing dak pa pie lhen liak. 3Dak pa pie lhen eue, Nawh Cao tak tawx patix ka maix, Nawh tak baox tawx sonsang baox pon maix patix, 4Nawh Cao tak awm te lawm pui pa ting riang mai gaox ngu pa kied hax heue. 5Aux koe krax kha rhawm, yam ot ka daux haktiex Mesiek mai ka daux nyiex gox Keda heue. 6Ju aux hoik rheung ot tau mai pui pa koeng ka pa nhim heue. 7Aux moh ka plak pa nhim, phan aux krai yuh nan, kix simie ti puing naing heue.
Currently Selected:
YAOGYAW 120: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
