YAOGYAW 109
109
Lox Ngia Pui Pa Khi Rhawm
1Siyiex pa yaogyaw aux eue, paw glaik tix ot yiien yawg liak. 2Pui pa ang rahsee mai pui pa ang kaux sijax khankix, ot tang plak mai ang moing tix mai ah lox pie lhen ka aux heue. 3Kix nieb ah lox pa ang khaw mai hoek rob ti puing aux, ka pa ang tie koe grawng heue. 4Aux moh kix mai rawg bwan son kix kawx, kix tiebtie lah cha ka aux heue. 5Kix deeh viied ti tawx phimap pa ang mhawm ka bwanson pa yuh aux mai krax moh aux mai kix deeh tawx ceu pa koeng ka aux heue. 6Teei pui pa ang rahsee mai deuh ka piang pui pa yuh nan mai kieh pui pa koeng ot dex plak taix khawn dawm nawh liak. 7Yam hoek bawg yam prawng ca, kieh nawh som liak. Kieh lox pa rawg nawh bwan mawh pa lud liak.#Cau 1:20 8Kieh ju nawh dawd mai kieh pui tang kaux, pon kaing pa yuh nawh liak. 9Kieh kawn nawh mawh kawn doe mai kieh moeng nawh mawh miexmai liak.#Cau 1:20 10Kieh kawn nawh khankix, vuvie kudah, kieh caung ti ih liak. Kieh kix lih khaing dee ot tix, pa laux leeing mai caung ti ih liak. 11Kieh cao pa ceuk rawm khrawt ti teei can pa koe nawh uik mai kieh pui tang praix tud rhim ti teei ka kraung khrai pa yuh pa pon nawh liak. 12Paw kieh pui yuh bwanson ka nawh mai paw kieh pui caux rhawm ka kawn doe, kawn nawh tix kaux kawx liak. 13Kieh ru nawh dud mai kieh ceu kaux nawh grai hu khaix nawh heue. 14Kieh Siyiex, doh keud ka phimap pa yuh tax du nawh mai paw lai ploi phimap pa yuh miex nawh heue. 15Kieh phimap an sidawng sivoe ngai Siyiex jheung jheung mai kieh nawh teei ti tik ka ceu pa doh keud son kix khaing piang haktiex khawmuik heue. 16Grawh grawng nawh, nawh ang koe krax caux rhawm ti teem mai nawh tuktiaktukte ka pui pa hot sibhawm mai pui pa laux rhawm khankix tom sidah yum heue. 17Awm moh nawh pa jhax lawg, deeh hoek ka piang nawh heue. Nawh ang moh ka bwanson mai bwanson an, singai khaing nawh heue. 18Nawh teei ti ceep pa jhax lawg, awm pa ceep kraung, ceu an laig ka daux vaig nawh, awm rawm mai laig ka daux si-ang nawh awm bee heue. 19Kieh nawh teei ti fua, ka tokaux tix awm fua prux mai nhawt ka nyoi tix, awm maox rawd nyoi heue. 20Pui pa koeng ka aux, pa ah lox caox pa ang mhawm ka ju aux, pa ot tang plak khankix, kieh kix pon krax pa kham geu khaing Siyiex heue. 21Siyiex eue, pau aux kheu ceu kaux Maix liak. Taoh aux ka daux krax caux rhawm Maix liak. 22Aux hoik hot sibhawm mai rhawm aux hoik saux ka daux aux heue. 23Aux hoik gah hoik greed hu, awm kawn beue pa lang heue. Viex aux haok blaong lih jee awm sido heue. 24Nge ngawng aux hoik iak riang, yung ye kheu ang sawm mai nex aux kawx krawx hu heue. 25Pui tang kaux salao ka aux mai yam yaox kix ka aux, vudvied kaing tix heue.#Mat 27:39; Mak 15:29 26Siyiex aux eue, teem ka aux liak. Awm koe krax caux rhawm Maix, taoh ka aux liak. 27Kieh kix tawng grawng sibrawm taix Maix mawh Siyiex Cao pa prawng ca heue. 28Viang kix ah lox pa jhax lawg kawx, Maix tawx bwanson liak. Yam kaoh cung kix, kieh koe krax pa kaig tua mai kieh siliex Maix gaux rhawm heue. 29Pui pa koeng ka aux khankix, kieh kix ceep ka ceu pa lhat mai pa kaig tua, kieh kix pie lhen min plakngai pa laux ka tokaux tix, awm pa fua ka prux heue. 30Aux tak yaogyaw ka bwanson Siyiex, ka jheeh tix, sigrien sigre heue. Aux tak yaogyaw ka Nawh, sinax pui Pa haoh hun heue. 31Grawh grawng nawh, Nawh Cao cung dex plak taix khawn dawm pui pa hot sibhawm mai taoh ju kix lih khaing daux tawm taix krax prawng ca phimap heue.
Currently Selected:
YAOGYAW 109: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
