SIMIN 33
33
Lih Khaing Meung Ejiptux
1Inkix mawh krax lih hu ceu pui Isarelax khankix khaing meung Ejiptux, awm pa koe kru naing kix, greem tawm taix Mose mai Arun. 2Mose tiem ti deuh grawng pa sang hu kix awm lox tawm Simiang Siyiex. in mawh grawng krax pa jah kix tix lih hu. 3Kix lih khaing veng Ramase ka daux khix tix kao phwan ngaix, khaix ngaix hoik pawie Pasakha, ceu pui Isarelax khankix lih hu mai ang tix lai ring ka plak sivoe ngai ceu pui Ejiptux khankix. 4Yam an ceu pui Ejiptux tak sipaung kawn Ai tix khawmuik, pa hoik pah Simiang Siyiex ka daux sinax kix, ka siyiex krup kix kawx, Simiang Siyiex hoik ciyang uik. 5Ceu pui Isarelax khankix, gah ti hu khaing veng Ramase mai bang baoh Sukot. 6Kix deeh lih hu khaing baoh Sukot mai bang hawt veng Etham pa koe dex praok daux tiag daux tu. 7Kix deeh gah tix khaing veng Etham mai deeh veeh ti hu ka plak veng Pihahirok pa koe see veng Balazephon mai bang ka veng Migadawlax. 8Kix deeh gah ti hu khaing veng Pihahirot mai kix tiang daux rawm sigrit sigra raoh mai hoek ka daux tiag daux tu. Khaix hoik hu kix krax loe ngaix ka daux tiag daux tu Etham, kix bang hawt baoh Marax. 9Kix deeh gah ti hu khaing Marax mai hoek ka yaong Elim, ka yaong Elim koe rawm keut ka kao ra mu mai khaox jhie yaong atixgliah gawng mai kix tom bang tan. 10Kix deeh gah tix khaing yaong Elim mai hu bang hawt praok rawm sigrit sigra raoh Edom. 11Kix deeh gah tix khaing hawt praok rawm sigrit sigra raoh mai hoek ti bang ka daux tiag daux tu Zin. 12Kix deeh gah khaing daux tiag daux tu Zin mai bang hawt baoh Dawphaka. 13Kix deeh gah tix khaing Dawphaka mai bang hawt baoh Alushax. 14Kix deeh gah tix khaing baoh Alushax mai bang hawt baoh Rephidim, ka dee ang rawm nyaux koe son pui khankix, 15kix deeh gah tix khaing baoh Rephidim mai bang ka daux tiag daux tu Sina. 16Kix deeh gah tix khaing baoh daux tiag daux tu Sina mai bang hawt baoh Kibarok-hatava. 17Kix deeh gah tix khaing baoh Kibarok-hatava mai bang hawt baoh Hazarok. 18Kix deeh gah tix khaing baoh Hazarok mai bang hawt baoh Ritama. 19Kix deeh gah tix khaing Ritama mai bang hawt baoh Rimonpariet. 20Kix deeh gah tix khaing Rimonpariet mai bang hawt baoh Libanax. 21Kix deeh gah tix khaing yaong Libanax mai bang hawt baoh Risa. 22Kix deeh gah tix khaing baoh Risa mai bang hawt baoh Kehalatax. 23Kix deeh gah tix khaing baoh Kehalatax mai bang hawt gawng Shepha. 24Kix deeh gah tix khaing gawng Shepha mai bang baoh Haradax. 25Kix deeh gah tix khaing Haradax mai bang hawt baoh Makhelok. 26Kix deeh gah tix khaing Makhelok mai bang hawt baoh Tahat. 27Kix deeh gah tix khaing Tahat mai bang hawt baoh Tarax. 28Kix deeh gah tix khaing Tarax mai bang hawt baoh Mitakha. 29Kix deeh gah tix khaing Mitakha mai bang hawt baoh Hashamawnax. 30Kix deeh gah tix khaing Hashamawnax mai bang hawt baoh Mawsarot. 31Kix deeh gah tix khaing Mawsarot mai bang hawt baoh Beniyakan. 32Kix deeh gah tix khaing Beniyakan mai bang hawt baoh Hawhagidagat, 33Kix deeh gah tix khaing Hawhagidagat mai bang hawt baoh Yobatax. 34Kix deeh gah tix khaing Yobatax mai bang hawt baoh Abunax. 35Kix deeh gah tix khaing Abunax mai bang hawt baoh Eziongeba. 36Kix deeh gah tix khaing Eziongeba mai bang ka daux tiag daux tu Zin, baoh Kadishax. 37Kix deeh gah tix khaing Kadishax mai bang hawt baoh gawng Hawrax pa koe ka mee haktiex Edom. 38Khaix hoik lih hu ceu pui Isarelax khankix khaing daux meung Ejiptux tixpon num, ka daux khix phwan tix ngaix, Arun cao giex kaing li haok ka piang gawng Hawrax, awm lox tawm Simiang Siyiex mai nawh yum tan.#Si 20:22-28; Pi 10:6 39Nawh hoik koe ju tix yieh tixnga loe num, yam yum nawh ka piang gawng Hawrax, 40simiang Arat ceu pui Khanan pa ot ka plak seh haktiex Khanan, mhong ka hoek pui Isarelax khankix.#Si 21:1 41Pui Isarelax deeh gah tix khaing gawng Hawrax mai bang hawt baoh Zalamawnax. 42Kix deeh gah tix khaing Zalamawnax mai bang hawt baoh Punon. 43Kix deeh gah tix khaing Punon mai bang hawt baoh Awbot. 44Kix deeh gah tix khaing Awbot mai bang hawt baoh Iyeabarim hawt mee haktiex Mawbax. 45Kix deeh gah tix khaing Iyeabarim mai bang hawt baoh Dibun-gat. 46Kix deeh gah tix khaing Dibun-gat mai bang hawt baoh Alamon-dibalatin. 47Kix deeh gah tix khaing Alamon-dibalatin mai bang piang gawng Abarim pa koe ka sivoe gawng Nebaw. 48Kix deeh gah tix khaing piang gawng Abarim mai bang ka daux lung Mawbax hawt rawm klawng Yawdan ka toi veng Yerikho. 49Kix bang hawt rawm klawng Yawdan, jah ka veng Betyesimot tom hoek ka veng Abelashitin ka daux lung haktiex Mawbax heue.
Pa Pex Kix Ka Meung Khanan
50Simiang Siyiex sikah ka Mose ka daux lung Mawbax hawt rawm klawng Yawdan pa koe plak toi veng Yerikho ah nin. 51“Krai ah nin ka pui Isarelax khankix, yam hoik tiang pex rawm klawng Yawdan mai laig ka daux haktiex Khanan, 52pex tak grheu pui pa ot baoh haktiex an khawmuik, khaing plak sivoe ngai pex mai yuh can ceu pa saik kix ka simaox khankix mai yuh riang grang pa hoik raug kix khawmuik mai yieh ti tik nyiex meeig kix pa koe dee lhaong laux lak pak leeing khawmuik, 53pex tak grheu pui pa ot ka daux haktiex an khankix to mai ot ka daux haktiex an. Kheu Aux hoik tawx haktiex an mawh sinngao cie pex. 54Pex tak gwieh haktiex an hawt awm pa koe doeh nyiex ma pex ka krax pa yuh nieb, son pa hun pui, pex tak tawx sinngao pa nie mai son pa tux pui, pex tak tawx sinngao pa iak, son pui ku kaux tak pon awm pa caw nieb cie kix, pex tak pon ti cie sinngao an awm pa koe doeh ru keeing pex khankix. 55Phan pex ang grheu pui pa ot baoh haktiex an, pui pa kawn prah pex khankix, tak mawh krix ka daux ngai pex mai mawh kat lawm son paw pex mai kix tak tuktiaktukte ka pex, ka daux haktiex dee ot pex. 56Lheu khaing an awm pa keud Aux ti sang yuh ka piang kix, tak lih ti yuh ka piang pex heue.”
Wa Common Language Bible © Bible Society of Myanmar, 2012