SIMIN 26
26
Koh Carang Pui Isarelax Bawg Ra
1Khaix hoik luan jhawm saux preng, Simiang Siyiex ah nin ka Mose mai Eliza kawn simex Arun cao giex kaing li, 2“Teei carang#Si 1:1-46 cub pui hun Isarelax khankix, jah ka pui koe ju tixnga num haok plak piang, awm pa koe doeh nyiex ma keeing kix, pa pon hu daux naing, ka daux pui Isarelax khawmuik.” 3Mose mai Eliza cao giex kaing li, krai lox ah nin ka kix daux lung Mawbax hawt rawm klawng Yawdan, pa koe toi veng Yerikho, 4“Teei carang pui khankix, jah ka pui pa koe ju tixnga num haok plak piang, awm pa hoik tawm Simiang Siyiex ka Mose mai pui Isarelax pa hoik lih khaing meung Ejiptux 5Rubin mawh kawn Ai ka ceu pui Isarelax, mai kawn praix Rubin khankix mawh Hanok, pa lih mawh doeh nyiex ma ceu pui Hanawkhix, Phalux pa lih mawh doeh nyiex ma ceu pui Paluwix khankix, 6Hezaron pa lih mawh doeh nyiex ma ceu pui Hezarawnix, mai Khamit pa lih mawh doeh nyiex ma ceu pui Khamaik. 7In mawh doeh nyiex ma ceu pui Rubin, pa laig carang koe pon mheen loe rheng aliah yieh tixngoe kaux. 8Kawn simex Phalux mawh Eliabax. 9Kawn simex Eliabax mawh Nemoelax, Datan mai Abiram. Inkix mawh Datan mai Abiram pa hoik laug kix daux pui hun, pa tieh feen ka Mose mai Arun pa rom paox ti mai cub Korax yam tieh feen kix ka Simiang Siyiex, 10mai haktiex ang jheeh tix bleet kix khawmuik tau mai Korax, yam yum paox cub paox caw kix, tau mai yam gleeing ngu kix ra yieh tixphwan kaux mai kix lih mawh mhai ruk pa tawx satix. 11Viang mawh nan kawn praix Korax khankix ang yum. 12Doeh nyiex ma kawn simex Simion khankix mawh Nemoelax pa lih ti mawh doeh nyiex ma Nemoelix, mai Yamen pa lih mawh doeh nyiex ma Yaminix mai Yakhin lih mawh doeh nyiex ma Yakhinix, 13Zerax pa lih mawh doeh nyiex ma Zerahix mai Shawlax pa lih mawh doeh nyiex ma Shawlix. 14In khankix mawh doeh nyiex ma ceu pui Simion koe ra mheen ra rheng ra yieh kaux, 15doeh nyiex ma kawn simex Gat khankix mawh Zephon, pa deeh lih mawh doeh nyiex ma Zephawnix, mai Hagie pa lih mawh doeh nyiex ma Hagrix, mai Shunix pa lih mawh doeh nyiex ma Shunit, 16mai Awzanix pa lih mawh doeh nyiex ma Awzanet mai Erix pa lih mawh doeh nyiex ma Erit, 17mai Arot pa lih mawh doeh nyiex ma Arodix, mai Arelix pa lih mawh doeh nyiex ma Arelit. 18In khankix mawh doeh nyiex ma kawn simex Gat pa hoik laig carang koe pon mheen mai phwan yieh kaux. 19Doeh nyiex ma kawn simex Yudax mawh Erax mai Awnan, Erax mai Awnan yum ka daux meung Khanan. 20Doeh nyiex ma kawn simex Yudax mawh Shelax, pa lih mawh doeh nyiex ma Shelanix, mai Pariet pa lih mawh doeh nyiex ma Parazix, mai Zerax pa lih mawh doeh nyiex ma Zerahix. 21Doeh nyiex ma kawn simex Pharet mawh Hezaron, pa lih mawh doeh nyiex ma Hezarawnix, mai Hamulax pa lih mawh doeh nyiex ma Hamulix. 22In khankix mawh doeh nyiex ma Yudax pa hoik laig carang, koe aliah mheen liah rheng phwan yieh kaux. 23Doeh nyiex ma kawn simex Issakha khankix mawh Tawlax, pa lih mawh doeh nyiex ma Tawlix, mai Phua pa lih mawh doeh nyiex ma Phunit, 24mai Yashu pa lih mawh doeh nyiex ma Yashubit, mai Shimaron pa lih mawh doeh nyiex ma Shimaronit. 25In khankix mawh doeh nyiex ma Issakha, pa hoik laig carang koe liah mheen pon rheng loe yieh kaux. 26Doeh nyiex ma kawn simex Zebulun khankix mawh Sarait, pa lih mawh doeh nyiex ma Saradix, mai Elon pa lih mawh doeh nyiex ma Elonit, mai Yalelax pa lih mawh doeh nyiex ma Yalelit. 27In mawh doeh nyiex ma Zebulun pa hoik laig carang koe liah mheen mai phwan yieh kaux. 28Doeh nyiex ma kawn simex Yosiep, mawh Manashe mai Epharem. 29Doeh nyiex ma kawn simex Manashe khankix, mawh Makhirax, pa lih mawh doeh nyiex ma Makhirax, mai, Makhirax pon kawn tix Gilat, mai Gilat lih mawh doeh nyiex ma Gilidix. 30In khankix mawh kawn simex Gilat, mai Yezerax lih mawh doeh nyiex ma Yezerit, mai Heliet lih mawh doeh nyiex ma Helikit, 31mai Asarilax lih mawh doeh nyiex ma Asarilit, mai Shekhim lih mawh doeh nyiex ma Shekhimit, 32mai Shemidax lih mawh doeh nyiex ma Shemidit, mai Hephax lih mawh doeh nyiex ma Hepharit. 33Zelophihat kawn simex Hephax ang koe kawn simex, nawh koe kawn bun nong nong ceu kaux kawn bun Zelophihat khankix mawh Mala, Nawa, Hawgala, Milaka mai Tiraza. 34In khankix mawh doeh nyiex ma Manashe, pa hoik laig carang koe phwan mheen ra rheng aliah yieh kaux. 35In khankix mawh doeh nyiex ma kawn simex Epharem mai Shutelax lih mawh doeh nyiex ma Shutalit, mai Bekha lih mawh doeh nyiex ma Bekharit, mai Tahan lih mawh doeh nyiex ma Tahanit. 36In khankix mawh kawn simex Shutelax mai Eran lih mawh doeh nyiex ma Eranit. 37In khankix mawh doeh nyiex ma kawn simex Epharem pa hoik laig carang, koe loe mheen ra rheng phwan yieh kaux. In khankix mawh doeh nyiex ma kawn simex Yosiep. 38In khankix mawh doeh nyiex ma kawn simex Benyamin, mai Belax lih mawh doeh nyiex ma Belit, mai Ashabelax lih mawh doeh nyiex ma Ashabelit mai Ahiram lih mawh doeh nyiex ma Ahiramit, 39mai Shuphan lih mawh doeh nyiex ma Shuphamit, mai Hupham lih mawh doeh nyiex ma Huphamit. 40Kawn simex Belax mawh Aradax mai Ne man, Aradax lih mawh doeh nyiex ma Aradit, mai Ne man lih mawh doeh nyiex ma Nemanmit. 41In khankix mawh doeh nyiex ma kawn simex Binyamin, mai pui pa hoik laig carang koe pon mheen phwan rheng liah yieh kaux. 42In khankix mawh doeh nyiex ma kawn simex Dan mai Shuham lih mawh doeh nyiex ma Shuhamit. In khankix mawh doeh nyiex ma Dan. 43Doeh nyiex ma Shuhamit pa hoik laig carang, koe liah mheen pon rheng pon yieh kaux. 44Doeh nyiex ma kawn simex Asha, mai Yimanax lih mawh doeh nyiex ma Yimanit mai Yesuwit lih mawh doeh nyiex ma Yesuwit mai Berix lih mawh doeh nyiex ma Berit. 45Kawn simex Berix khankix mawh Hebarax lih mawh doeh nyiex ma Hebarit, mai Malakhelax lih mawh doeh nyiex ma Malakhelit. 46Ceu kaux kawn bun Asha mawh Sera. 47In khankix mawh doeh nyiex ma kawn simex Asha pa hoik laig carang, koe phwan mheen loe rheng pon yieh kaux. 48Doeh nyiex ma kawn simex Napthalix mai Yazelax lih mawh doeh nyiex ma Yazelit mai Gunix lih mawh doeh nyiex ma Gunit, 49mai Yezerax lih mawh doeh nyiex ma Yezerit mai Shiliem lih mawh doeh nyiex ma Shilimit. 50In khankix mawh doeh nyiex ma kawn simex Napthalix, pa hoik laig carang, koe pon mheen phwan rheng pon yieh kaux. 51In khankix mawh pui pa hoik laig carang ka daux pui Isarelax, koe liah siien mai tix rheng aliah yieh tixngoe kaux heue.
Grawng Gwieh Haktiex
52Simiang Siyiex ah nin ka Mose, 53“Tak gwieh haktiex in awm pa hoik koe ceu kaux kix sonsang mawh sinngao kix. 54Son cub pui pa nie maix tak gwieh sinngao awm pa nie kix mai son cub pui pa iak maix tak gwieh sinngao awm pa iak kix, pui ku cub tak pon sinngao awm pa hoik koe carang kix. 55Viang mawh nan caw ti yuh nieb mai gwieh ka, kix tak pon sinngao awm pa koe ceu kaux doeh ru keeing kix. 56Awm pa hoik cawk kix nieb, kix tak pon ti cie sinngao hawt nie mai hawt iak pui kix.”#Si 34:13; Yaw 14:1-2
Ru Nyiex Ma Lewix
57In khankix mawh pui pa hoik laig carang ka daux doeh nyiex ma pui Lewix mai Geshon lih mawh doeh nyiex ma Geshonit mai Kawhat lih mawh doeh nyiex ma Kawhatit mai Merarix lih mawh doeh nyiex ma Merarit. 58In khankix mawh doeh nyiex ma pui Lewix, pa mawh doeh nyiex ma Libanit, doeh nyiex ma Hebaronit, doeh nyiex ma Mahali, doeh nyiex ma Mushix mai doeh nyiex ma Kawratit. Kawhat pon kawn simex tix Amaram. 59Moeng Amaram kaux Yawkhebiet pa mawh kawn bun Lewix pa keh khaing Lewix ka daux meung Ejiptux, bun an keh Arun mai Mose khawm Meriam pa mawh puke bun kix son Amaram. 60Arun koe kawn simex pa mawh Nadax mai Abihux, Eliza mai Itama.#Si 3:2 61Nadax mai Abihux yum, yam tan kiex ngu pa seeing ka plak sivoe Simiang Siyiex.#Krub 10:1-2; Si 3:4 62Kix pa hoik laig carang koe ra mheen loe rheng kaux, kix ang lai sau carang kawn nyawm simex jah ka pa koe ju tix khix haok plak piang sinax pui Isarelax, mawh kheu ang sinngao pa sang tawx ka kix koe sinax pui Isarelax. 63In khankix mawh pui an kix pa hoik laig carang pa hoik simin Mose mai Eliza cao giex kaing li daux kawn praix Isarelax daux lung Mawbax hawt rawm klawng Yawdan plak toi veng Yerikho. 64Viang mawh nan pui in khankix, ang laig ka daux carang tix kaux kawx pa hoik simin Mose mai Arun cao giex kaing li, yam simin kix pui Isarelax ka daux tiag gawng Sina. 65Mawh kheu Simiang Siyiex hoik ah nin ka kix, “Kix tak yum ka daux tiag.”#Si 14:26-35 Ang lai koe pui pa deuk ka daux kix tix kaux kawx, lheu khaing Kaliep kawn simex Yephunie mai Yawsux kawn simex Nun heue.
Wa Common Language Bible © Bible Society of Myanmar, 2012