MALAKHIX 4
4
Singaix Ting Lhaong Cie Siyiex
1“Jhak heue, Singaix an dex hoek mai awm ngu pa rup ka daux glah ngu mai can pui pa ting rhawm ting rhi an kix khawmuik, pa yuh kaing ceu pa caox caig, tak sang mawh nyhee pa kroh kroing. Singaix pa sang hoek an, tak gleeing ti tik kix, ang lai deuh khawm num khawm rao heue. Siyiex cao kru naing raoma ah nan heue. 2Viang mawh nan, ka pex pa koe krax lhat graung ka ceu kaux Aux, singaix pa rahsee tak sang lih mai krax pa pai jhawm saux ka daux pruik Nawh Cao mai pex tak sang jaloh ti lih hu, awm kawn mawie pa hoik lih khaing daux kawg heue. 3Pex tak sang dig ka pui pa caox caig. Kix tak sang awm nyaox greem tiag caong pex, ka daux singaix hoik tat Aux ti deuh. “Siyiex cao kru naing raoma ah nan heue. 4“Deeh doh keud ka gumlox beenli Mose pa mawh kawncau Aux, ka gumlox tat jhawm prawng pa hoik tawm Aux ka nawh daux baoh Hawrap son ceu pui Isarelax khankix heue. 5Jhak heue, sivoe sang hoek singaix Siyiex pa ting lhaong mai pa koe pa lhat graung, Aux tak sang ploi cao jhai Eliyax#Mat 11:14, 17:10-13; Mak 9:11-13; Luk 1:17; Yo 1:21 hoek ka pex heue. 6Nawh tak deeh veeh rhawm rhi keeing hoek ka kawn nyawm khankix mai rhawm rhi kawn nyawm hoek ka keeing. Phan ang yuh nan, Aux tak sang hoek mai tawx krax kham geu haktiex ka krax pa jhax lawg heue.
Currently Selected:
MALAKHIX 4: WCL
Highlight
Share
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012