YAWSUX 15
15
Haktiex Ceu Pui Yudax
1In mawh nieb pa pon cawk pui Yudax khankix, awm pa koe paox nyiex kix heue. Mee haktiex Edom, hawt daux tiag Sin, ka sinax plak seh khankix hoik mawh praok mee haktiex kix ka plak seh heue. 2Mee haktiex plak seh mawh pa jah tix ka rawm sigrit sigra kih, khaing dee kawk rawm pa koe plak seh khankix heue. 3Mee haktiex kix, deeh lih hu ka praok plak seh, hawt dee lih jee haktiex Akarabim mai mee an deeh hu hawt baoh yaong Sin mai deeh hu jee ka praok plak seh dee koe yaong Kadeshabana mai mee deeh hu hawt yaong Hezaron mai deeh haok ka plak yaong Ada mai an deeh hu hawt vung viang yaong Karaka heue. 4Jah khaing tan, mee haktiex deeh hu ka plak yaong Azamon mai deeh lih hu ka hawt rawm klawng Ejiptux mai mee haktiex an ghoik ti hu sidah ka praok rawm sigrit sigra heue. In tak mawh mee haktiex pex ka plak seh awx. 5Mee haktiex plak lih singaix, mawh pa jah tix khaing rawm sigrit sigra kih, Nhawng Sawdom tom hoek dee sidah rawm klawng Yawdan heue. Mee haktiex pa koe plak laong, mawh pa jah tix khaing hawt dee kawk rawm sigrit sigra dee sidah rawm klawng Yawdan heue. 6Mee haktiex deeh haok ka plak yaong Biethawgalax mai hu ka plak laong yaong Bietarabax tan heue. Khaix an, mee haktiex deeh haok ka plak dee koe rang simaox cie Bawhan, pa mawh kawn simex Rubin heue. 7Khaix an, mee haktiex deeh haok plak yaong Debirax, khaing daux ngawd Akhaw mai mee haktiex an deeh veeh ti hu ka baoh plak laong ka plak see veng Gilagalax, pa koe ka plak sivoe caong gawng Adumin mai pa koe ka praok plak seh daux ngawd heue. Mee haktiex deeh baox hu ka plak rawm nhawng Engshamit mai ghoik tix sidah ka yaong Engrawgelax heue. 8Mee haktiex deeh haok hawt plak daux ngawd kawn simex Himnom mai deeh lih hu ka plak seh, hawt caong veng Yebusix, Yebusix mawh veng Yerusaliem heue. Mee haktiex deeh haok ka plak choek gawng khankix pa koe ka plak sivoe daux ngawd Himnom, ka plak klip singaix, pa koe hawt dee sidah daux ngawd Rephim ka plak laong heue. 9Khaix an, mee haktiex deeh lih hu khaing hawt vung viang dee choek gawng an khankix mai hoek ka dee lih rawm gawng Nephataw mai deeh lang tom hoek ka veng pa koe hawt gawng Epharon khankix heue. Mee haktiex an, deeh hu hawt vung viang veng Balax (Veng Balax mawh veng Kirayatyarim) heue. 10Khaix an, mee haktiex deeh veeh ti hu ka plak klip singaix khaing veng Balax, tom hoek ka gawng Sirax mai mee an deeh hu ka praok gawng Yarim pa koe ka plak laong pa mawh gawng Khesalon mai deeh hu jee ka veng Bietshemit mai mee an deeh hu plak veng Timanax heue. 11Mee haktiex an, deeh lih hu ka plak praok veng Ekaron, hawt plak laong heue. Khaix an, mee haktiex deeh hu hawt vung viang yaong Shikaron mai hu hawt ka gawng Balax mai deeh tuk tix lang tom hoek ka yaong Yabanelax mai mee haktiex an, deeh hu sidah hawt rawm sigrit sigra heue 12Mee haktiex plak klip singaix, mawh pa koe hawt praok rawm sigrit sigra ting heue. In mawh mee haktiex pui Yudax khankix khawmuik, awm pa koe doeh ru nyiex ma kix heue.
Kaliep Teei Veng Hebaron Mai Debirax
(Cao 1:10-15)
13Yam in, son Kaliep pa mawh kawn simex Yephunie, Yawsux hawt tawx nyum pa pon nawh ti cie khaing daux sinax pui Yudax khankix, awm gumlox pingnyap pa tawx Siyiex leeing ju ka nawh heue. Ceu kaux veng pa tawx nawh khankix, mawh veng Arabax, mai Hebaron heue. Arabax mawh ceu kaux keeing Anagax heue. 14Kaliep grheu ti tik kawn simex Anagax khankix loe kaux pa mawh Shesie, Ahiman mai Talamie, khaing tan heue. Kix mawh kawn praix Anagax heue.#Cao 1:20 15Khaix an, nawh yaog ti hu khaing tan mai hoek ka dee ot pui veng Debirax heue. Glang ka an, ceu kaux veng Debirax mawh veng Kirayatsepha heue. 16Kaliep deeh ah nin, “Pui pa pon puing ka veng Kirayatsepha pon rhim ti teei veng an, son nawh aux tak tawx nawh moeng kawn bun tix Akhasax heue. 17Mawh kheu nan, Awtanelax, pa mawh kawn simex Kenat mai pa mawh pux Kaliep rhim ti teei nawh cie veng an heue. Nawh tawx kawn bun tix ka nawh mawh moeng nawh heue. 18Yam in, khaix hoik luan ceu an khankix yam hoek bun an ka nawh, bun an nyaw glaw nawh mhaing biang kaung tix gwang ka keeing tix heue. Mawh kheu nan, yam lih bun an khaing law brug tix, yam an Kaliep ah nin ka nawh, “Mawh koe rhawm maix ti sang cie ceu patix lie?” 19Nawh deeh ah nin, “Tawx krax pa nawb bwanson ka aux, awm hoik tawx maix haktiex pa koe plak seh maix deeh baox tawx aux cie haktiex dee lih rawm liak.” Mawh kheu nan, Kaliep tawx haktiex dee lih rawm khankix pa koe ka plak laong khawm haktiex dee lih rawm pa koe plak dee lung ka nawh heue.
Grawng Veng Ceu Pui Yudax Khankix
20In mawh sinngao cie doeh ru pui Yudax khankix, awm krax pa koe doeh nyiex ma kix heue. 21Veng pa hoik tat ti deuh son doeh ru pui Yudax khankix, mawh pa koe ka plak see mee haktiex Edom ka baoh plak seh mai ankix hoik mawh veng Kabazelax, veng Edarax, veng Yagurax, 22veng Kinax, veng Dimawrax, veng Adada, 23veng Kedesha, veng Hazaw, veng Itanan, 24veng Zipha, veng Telem, veng Balot, 25veng Hazawhatada, veng Kiriot, Hezaron pa mawh veng Hazaw pa prim, 26veng Amam, veng Shemax, venng Mawlada, 27veng Hazagadadax, veng Heshamon, veng Bietpaliet, 28veng Hazashula, veng Berashiba, veng Bikzawtaya, 29veng Balax, veng Iyim, veng Ezim, 30veng Elatawlat, veng Khesilax, veng Hawrama, 31veng Zigalak, veng Madamana, veng Sansana, 32veng Lebaok, veng Shilahim, veng Aen mai veng Remon khankix heue. Veng khawmuik koe been tixnga dim veng, tau mai yaong nawh khankix heue. 33Veng ankix, pa koe ka piang daux lung haktiex khankix, tom mawh veng Eshatawlax, veng Zawra, veng Ashana, 34veng Zanaw, veng Engganim, veng Tapua, veng Enam, 35veng Yamok, veng Adulam, veng Sawkhaw, veng Azeka, 36veng Sharim, veng Aditem, veng Gederax mai veng Gederawtem khankix khawmuik, hoik mawh veng kao pon veng tau mai yaong pa koe hawt vung viang veng ankix, 37mai veng Zenan, veng Hadasha, veng Migadalagat, 38veng Dilan, veng Mizapa, veng Yokathilax, 39veng Lakhishax, veng Bazakat, veng Egalon, 40veng Kabun, veng Laman, veng Kedalisha, 41veng Gedarot, veng Bietdagon, veng Nama mai veng Makeda, khankix khawmuik, pa mawh veng kao liah veng tau mai yaong pa koe hawt vung viang veng ankix, 42mai veng Libanax, veng Eta, veng Ashan, 43veng Yiphata, veng Ashana, veng Neziba, 44veng Kilax, veng Akhaziba mai veng Maresha khankix, pa mawh veng sidim veng tau mai yaong pa koe hawt vung viang an khawmuik, 45mai veng Ekaron, tau mai veng pa dex mai nawh khawm yaong khankix, 46jah khainng veng Ekaron, tom hoek ka rawm sigrit sigra, can veng mai yaong khankix khawmuik, pa dex vung viang veng Ashadok khankix khawmuik, 47mai veng Ashadok, tau mai veng nawh yaong nawh khankix, veng Gaza, tau mai veng nawh yaong nawh khankix, tom hoek dee singai rawm klawng Ejiptux mai ka rawm sigrit sigra ting tau mai hawt haktiex praok rawm nawh khankix heue. 48Haktiex pa koe ka piang gawng piang lua khankix, pa mawh veng Shmarix, veng Yatira, veng Sawkhaw, 49veng Dana, veng Kirayatsana (pa mawh veng Debirax), 50veng Anap, veng Ashatemaw, veng Anim, 51veng Goshem, veng Hawlom mai veng Gilaw khankix, pa mawh veng kao tix veng tau mai yaong pa koe hawt baoh an, 52mai veng Arap, veng Duma, veng Eshan, 53veng Yanum, veng Biettapua, veng Apheka, 54veng Homta, veng Arabax, pa mawh veng Hebaron mai veng Ziawrax khankix, pa mawh veng sidim veng tau mai yaong pa koe hawt baoh an khawmuik, 55mai veng Maon, veng Khamelax, veng Zipha, veng Yuta, 56veng Yezarilax, veng Yokadim, veng Zanua, 57veng Ka-inax, veng Giba mai veng Tima khankix, pa veng kao veng tau mai yaong pa koe hawt baoh an khankix, 58mai veng Halahula, veng Bietzurax, veng Gedaw, 59veng Marat, veng Biet Anot mai veng Elatekon, khankix pa mawh veng liah veng tau mai yaong baoh an khankix khawmuik, 60mai veng Kirayatbalax, pa mawh veng Kirayatyarim mai veng Raba, khankix pa mawh veng ra veng tau mai yaong baoh an khawmuik heue. 61Plak ka daux tiag daux tu veng pa hoik koe ankix, tom mawh veng Biet Arama, veng Midin, veng Sekada, 62veng Nibashan, veng Meliet, pa mawh veng kix mai veng Enggedi khankix, pa mawh veng liah veng tau mai yaong ankix khawmuik heue. 63Phan mawh ceu pui Yebusix khankix mai can pui pa ot ka daux veng Yerusaliem khankix, pui Yudax khankix, ang lai pon grheu kix lih hu heue. Viang mawh nan, pui Yebusix khankix, hoik ot tau mai pui Yudax khankix, hawt veng Yerusaliem tom hoek in singaix heue.#Cao 1:21; 2Sa 5:6; 1Been 11:4
Wa Common Language Bible © Bible Society of Myanmar, 2012