ISAYAX 39
39
Cub Kawncau Babulon
(2Sim 20:12-19; 2Been 32:27-31)
1Yam an Merawdak Baladan kawn simex Baladan simiang Babulon ploi pui tawx lai mai totaix ka Hezakix, kheu hoik mhong saux nawh mai hoik deeh moi. 2Hezakix nyawm rhawm kheu kix mai jhi kix yaox nyiex krao sinngao nawh, pa mawh mau, khri mai pa sioe bhawng mai rawm bee kraix pa ngawh mai nyiex krao kraung naing mai hoik jhi kix yaox ka sinngao, ka daux nyiex nawh mai haktiex kwang nawh khawmuik, pa ang Hezakix jhi kix yaox ang lai koe pie tix ceu kawx. 3Khaix an cao jhai Isayax hu ka simiang Hezakix mai ah nin ka nawh, mawh ah pui an kix patix, mawh kaoh kix khaing dee mawx hoek ka maix lie? Hezakix deeh ah nin, kix hoek khaing haktiex pa kied singai khaing Babulon. 4Isayax baox ah nin mawh hoik yaox kix patix ka nyiex maix lie? Hezakix deeh pawk ah nin, “Kix hoik yaox can pa koe daux nyiex aux khawmuik, khaing nyiex kraung sinngao aux, ang lai koe pa ang jhi kix yaox tix ceu kawx.”
5Khaix an Isayax ah nin ka Hezakix, “Nghiet ka gumlox Siyiex cao kru naing raoma; 6Jhak heue, singaix bawg yam tak sang hoek yam can pa koe ka daux nyiex maix mai can pa rhawm keeing maix ti deuh tom hoek in singaix, tak viex hu ka veng Babulon, tak ang lai prah tix, tix ceu kawx, Siyiex ah nan. 7Kix tak viex kawn simex keh maix tiblah hu mai mawh pui sieh ka daux nyiex haw cie simiang Babulon.”#Dan 1:1-7; 2Sim 24:10-16; 2Been 36:10 8Hezakix ah nin ka Isayax, “Gumlox Siyiex pa krai maix mawh pa mhawm. Tak mawh krax nyawm ot mai pa nhim pa koe ngie ka daux singaix ju aux heue.”
Currently Selected:
ISAYAX 39: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
