ISAYAX 12
12
Laix Rhax Yaog Yaw Siyiex
1Ka daux singaix an maix tak ah nin “Siyiex eue, aux tak sang yaog yaw ka Maix Cao, viang Maix Cao hoik song rhawm ka aux kawx krax pa song rhawm Maix Cao hoik veeh tix grai hu mai Maix Cao hoik kieh aux nyawm rhawm heue. 2Jhak heue, Siyiex mawh cao taoh aux, aux tak een rhawm tix ka Nawh Cao mai ang koe krax pa lhat graung, mawh kheu Siyiex mawh riang rao aux mai mawh lai rhax aux, Nawh Cao hoik mawh cao pa taoh aux heue.#Lih 15:2; Yaog 118:14 3Pex tak koe krax pa gaux rhawm mai kin tix nyaux rawm, khaing rawm daux krax taoh heue. 4Ka daux singaix an, pex tak sang ah nin yaogyaw ka Siyiex, kok ka ceu kaux Nawh Cao, krai pao kaing jhaw pa yuh Nawh Cao ka daux sinax pui khankix mai krai ka grawng hoik kied ting lhaong ceu kaux Nawh Cao heue. 5Ah lai rhax yaog yaw ka Siyiex, mawh kheu Nawh Cao hoik yuh kaing ceu pa kied mhawm khawmuik, kieh grawng in tah ka piang haktiex heue. 6Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.
Currently Selected:
ISAYAX 12: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
