YAM JAH 36
36
Nyiex Ma Esaw
(1Been 1:34-54)
1In mawh grawng doeh ru Esaw pa mawh ceu pui Edom heue. 2Esaw teei ti moeng kawn bun Khanan#Jah 26:34 pa mawh Adax kawn bun Elon ceu pui Hittix mai Aholibama, kawn bun Anax pa mawh kawn simex Zibeon ceu pui Hewix, 3Bashamat nan Nabayok pa mawh kawn bun Ishamelax heue.#Jah 28:9 4Adax keh kawn simex Eliphat son Esaw mai Bashamat keh kawn simex Yoelax heue. 5Aholibama keh kawn simex Yushax, Yalam mai Korax heue. 6Khaix an Esaw viex moeng tix khankix mai kawn simex kawn bun tix mai can pui pa ot daux nyiex nawh khawmuik, tau mai tobrie, kraung khrai nawh khawmuik pa hoik pon daux haktiex Khanan khankix mai hu ka haktiex dee singai tix dah, khaing pux nawh Yakop heue. 7Mawh kheu kied nie kraung khrai kiex, kiex ang lai chix ot tau mai haktiex ot kiex hoik sikhawp kheu hoik kied nie tobrie eei kiex heue. 8Mawh kheu Esaw ot piang gawng Sirax, Esaw lih ti mawh ceu pui Edom heue. 9In mawh doeh ru Esaw pa mawh keeing ka ceu pui Edom pa ot piang gawng Sirax heue. 10In mawh ceu kaux kawn simex Esaw, moeng nawh Adax keh kawn simex Eliphat, moeng nawh Bashamat keh kawn simex Yoelax heue. 11Kawn simex Eliphat khankix mawh Teman, Awma, Zepho, Gatan mai Kenat heue. 12Moeng iak kawn simex Esaw pa mawh Eliphat, pa kaux Timanax keh kawn simex tix Amaliet son Eliphat, inkix mawh doeh ru Adax moeng Esaw heue. 13Kawn simex Yoelax khankix mawh Nahat, Shama mai Miza. Inkix mawh doeh ru Bashamat moeng Esaw heue. 14Aholibama moeng Esaw, mawh kawn bun Anax mai Anax mawh kawn simex Zibeon, Aholibama keh kawn simex pa mawh Yushax, Yalam mai Korax son Esaw heue.
Cao Kaing Meung Edom
15Inkix mawh cao kaing ka kawn simex Esaw khankix heue. Kawn simex Eliphat pa mawh kawn Ai Esaw khankix mawh, cao kaing Teman, cao kaing Awma, cao kaing Zepho, cao kaing Kenat, 16Cao kaing Korax, cao kaing Gatan mai cao kaing Amaliet heue. Inkix mawh cao kaing kawn simex Eliphat khankix heue. Kix mawh doe ru kawn simex Adax heue. 17Kawn simex Yoelax, pa mawh kawn simex Esaw khankix mawh, cao kaing Nahat, cao kaing Zerax, cao kaing Shama mai cao kaing Miza heue. Inkix mawh cao kaing khankix, pa mawh kawn simex Yoelax daux haktiex meung Edom heue. Kix mawh doeh ru kawn simex Beshemat moeng Esaw heue. 18Kawn simex Aholibama moeng Esaw khankix mawh, cao kaing Yushax, cao kaing Yalam mai cao kaing Korax heue. Inkix mawh doeh ru cao kaing pa lih khaing Aholibama moeng Esaw, kawn bun Anax heue. 19Inkix mawh kawn simex Esaw, pa mawh pui meung Edom mai pa mawh cao kaing kix tan heue.
Kawn Simex Sirax
20Kawn simex Sirax, pa mawh ceu pui Hawrix pa ot daux haktiex an, mawh Lawtan, Shawbax, Zibeon mai Anax, 21Dishon, Ezax mai Dishan. Inkix mawh cao kaing ceu pui Hawrix pa mawh kawn simex Sirax, ka daux haktiex Edom heue. 22Kawn simex Lawtan khankix mawh Hawrix mai Henan, nan Lawtan mawh Timinax heue. 23Kawn simex Shawbalax khankix mawh Alavan, Manahat, Ebalax, Shephaw mai Awnam heue. 24Kawn simex Zibeon mawh Ayax mai Anax, Anax mawh pui pa yaox ka dee lih rawm lhaox, ka daux tiag yam liang nawh la keeing tix Zibeon heue. 25Kawn Anax mawh Dishon mai Aholibama pa mawh kawn bun nawh heue. 26Kawn simex Dishon khankix mawh, Hemdan, Eshaban, Itaran mai Kheran heue. 27Kawn simex Ezax khankix mawh, Bilahan, Zavan mai Akan heue. 28Kawn simex Dishan mawh, Uzax mai Aram heue. 29Inkix mawh cao kaing ceu pui Hawrix. Kix tom mawh cao kaing Lawtan, cao kaing Shawba, cao kaing Zibeon, cao kaing Anax, 30cao kaing Dishon, cao kaing Eza mai cao kaing Dishan, inkix khawmuik, mawh cao kaing ceu pui Hawrix, pa yuh cao kaing ka haktiex Sirax heue.
Simiang Edom
31Inkix mawh simiang pa kwang ka haktiex Edom, sivoe ang simiang tix kaux kawx nyang bax kwang piang pui Isarelax heue. 32Belax kawn simex Pawrax kwang ka haktiex Edom mai ceu kaux veng ting nawh mawh Dinhabax heue. 33Khaix yum Bakax, kawn simex Zerax pa mawh Yawbap ceu pui haktiex Bawzarax deeh plud ti kwang khaix nawh heue. 34Khaix yum Yawbap, Husham ceu pui haktiex Temanix deeh plud ti kwang khaix nawh heue. 35Khaix yum Husham, kawn simex Bedat pa mawh Hadax, pa puing ka ceu pui Midian khankix, ka daux tong Mawbax, deeh plud ti kwang khaix nawh, ceu kaux veng ting nawh, mawh Avit heue. 36Khaix yum Hadat, Samalax ceu pui haktiex Masariet deeh plud ti kwang khaix nawh heue. 37Khaix yum Samalax, Shawlax ceu pui haktiex Rehobot pa ot hawt rawm klawng deeh plud ti kwang khaix nawh heue. 38Khaix yum Shawlax, Balahanan kawn simex Akhabaw deeh plud ti kwang khaix nawh heue. 39Khaix yum Balahanan, kawn simex Abaw, Hadax deeh plud ti kwang khaix nawh mai ceu kaux veng ting nawh mawh Paw, ceu kaux moeng nawh mawh Mahetabalax, kawn bun Matariet mai Matariet mawh kawn bun Mezahat heue.
Cao Kaing Esaw
40In mawh grawng ceu kaux cao kaing doeh nyiex ma Esaw khankix mai dee ot kix mai min ceu kaux kix pa mawh, cao kaing Timanax, cao kaing Alavax, cao kaing Yetiet, 41cao kaing Aholibama, cao kaing Elax, cao kaing Pinon, 42cao kaing Kenat, cao kaing Teman, cao kaing Mibaza, 43cao kaing Magadilax, cao kaing Iram khankix, inkix khawmuik mawh cao kaing haktiex Edom, ka dee ot kix, ka haktiex pa hoik pon kix ti cie heue. Esaw mawh keeing ka ceu pui Edom heue.
Currently Selected:
YAM JAH 36: WCL
Highlight
Share
Compare
Copy
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
