Isa%EDas 62
62
1Rumal k'axnab'al awe yet, tinimit Sion, to' ti kinkanaj keje ile chi kinch'aw taj,
rumal k'axnab'al awe yet tinimit, Jerusalén kinuxlan taj,
k'a kwalch'in ni ach'akanik pacha usaqirb'al,
xaq i atotajik keje na pacha jun antorcha tzijom.
2I nimaq taq tinimit kkil ni atotajik,
konojel i ajawinelab' kkil ni a'ij achomal.
Are uri kya' ni jun ab'i k'ak'
chi lik are i Ajwal kyaw chawe.
3Yet lik qatzij at keje na pacha jun chom laj koron re i ajawinel
pu'ab' Awajwal Dios.
4Kkib'ij ti chik chawe chi at “O'tam kanoq”
xaq mitene kkib'ij che awulew chi “Wulijnaq”,
are i ab'i chi kb'ix na: “Lik kinupon chawach”,
xaq kkib'ij ni che awulew, at “lo'laj wixoqil”.
Man yet lik kupon i Ajwal chawach
xaq are Ire pacha rachijil awulew.
5Man keje pacha jun ala chi kk'uli ru' jun ali,
keje ak'amik yet ile ku'an i Dios re at rixoqil,
katuyijb'a chik xaq lik kkikot ni awu',
pacha jun achi chi lik kkikot ru' rixoqil.
6Tinimit Jerusalén, chrij taq atapial inkojom chajinelab'
chipa'ij chicha'ab' kkimayij ti ub'ixkil iri:
“Mixkanaj to' keje ile chi kixch'aw taj, yix chi kikuxtaj kinataj u'ij i Ajwal,
7mich'aqb'a k'a kixtiki ni chik
chuyakik ronojel i tinimit Jerusalén
xaq k'a ki'an na chi konojel i winaq chwach i jyub' ta'aj kkikoj u'ij.”
8I Ajwal are xuyak
i nim laj u'ab' wiqab'im chikaj, xub'ij:
“Lik arewi kinya ti chik chi je ajch'oj chawij kkitij a-trigo
xaq mitene i winaq aj naj kkitu' i uwa'al uva muqb'am
chi a'anom yet ru' achak.
9Are ki'ano lik yix na kixmolow uwach i tikon,
kitij na xaq kikoj in-ij Yin,
xaq kimol ni i uva xaq kitu' ni i uwa'al uva muqb'am,
chwaja re i ch'am laj wachoch.”
10Chixel loq, chixel li xol uchija,
chiyijb'a i b'e re intinimit.
Lik utz uyijb'axik chi'ana che i b'e,
chiwesaj ab'aj chwach;
chiyaka i k'utb'al re sik'b'al ke i nimaq taq tinimit.
11I Ajwal kusaqij iri
chi kupon k'a xe taq kaj ulew:
“Chib'ij che i tinimit Sion chi ya xupon i tol re.
I Ajwal kuk'am li utinimit
chrijil chik kelsaxik loq pa k'ax.”
12I aj Israel kb'ix ni chke chi je are jun “Lo'laj tinimit chi elsam we Yin”,
“Je are i je kirtal rumal i Ajwal”,
xaq i Jerusalén kb'ix ni che: “Tinimit chi lik rayijb'al uwach”,
“Tinimit chi lik o'tam taj”.
Currently Selected:
Isa%EDas 62: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
