1 थिस्सलुनीकियों 3
3
तीमुथियुसको भेजि जानो
1आखरी में जब हम तुमून देखीना का बिना रै नै सकना। मैं पौलुस और सिलास ले एथेंस शैहर में एकोलो रूना को फैसला करछ्य, 2और हमूले तीमुथियुस तुमार पास भेजछ्य, जो मसीह को सुसमाचार में हमोरो भाई और परमेश्वरो को सेवक छै, कि उ तुमार विश्वास स मजबूत करौ, ताकि तुमोरो विश्वास यीशु मसीह में लगातार बनिना को रौ। 3कि कोई इन दुखून का द्वारा डगमगा नै जौ। क्याखिनकि तुम पैलि भटे जाणछा कि हमून यो सताव सहन करनै छै। 4क्याखिनकि पैलि ले, जब हम तुमार याँ छ्या, त तुमूनथैं कुन भ्या, कि हमून दुख उठून पड़ाला, और इसो भ्योछ, और तुम जाणछा ले। 5येक कारण जब मैं और सहन नै कर सकयू, कि यो नै जाणभेरन कि हालात कसा छन, मैंले तीमुथियुस स तुमार पास भेजछ कि तुमोरो विश्वास मजबूत छी या नाहातिनी। मैंस यो बात को डरछ्यो, कि परीक्षा करून वालान शैतान ले तुमेरि परीक्षा करि होलि, और हमरि मेहनत बेकार होगै होलि।
तीमुथियुस द्वारा समाचार मिलून
6लेकिन अब जब कि तीमुथियुस ले जो तुमार पास भटे हमार पास याँ वापस आभेरन तुमार विश्वास और प्रेम को सुसमाचार सुणाछ, और यो बात स बाताछ कि तुम हमेशा प्रेम ले हमून याद करछा, और हमून देखना की इच्छा करछा जसीकैं हम ले करनू। 7येक कारण हे म्यारा विश्वासी भाईयों, हमून अपून सारा दुख और क्लेश में तुमार बारिमें तीमुथियुस थैं सुणभेरन हमून हौंसला मिलछ्य, कि तुम अब तक यीशु मसीह में विश्वास करछा। 8क्याखिनकि अब तुम प्रभु का विश्वास में मजबूत बनिना का रौला त यो हमून खिन एक नय्या जीन्दगी छै। 9और जसो आनन्द हमून तुमार कारण अपून परमेश्वरा का सामुनि छै, उक बारिमें हम तुमून खिन कसा तरीका ले परमेश्वर धन्यवाद करा? 10हम लगातार भौत प्रार्थना करनै रूनू, कि तुमूनथैं दुबारा मिल सका और जो जरूरी छै तुमून सिखा सका, ताकि तुम पुर तरीका ले प्रभु यीशु मसीह में विश्वास कर सका।
11हम प्रार्थना करनू कि हमार पिता परमेश्वर और प्रभु यीशु मसीह तुमार पास उन खिन हमून खिन बाटो तैयार करून। 12और हम यो ले प्रार्थना करनू कि प्रभु इसो करौ कि, जसो हम तुमून प्रेम करनू, ऊसोई तुम ले एक-दुसारा स प्रेम करा, और सब लोगून में तुमार प्रेम बढ़नै जौ। 13और हम प्रार्थना करनू कि हमोरो प्रभु यीशु मसीह तुमार मनून स्थिर करौ कि जब हमोरो प्रभु यीशु अपून सब पवित्र लोगून का दगाड़ दुबारा आलो, त उन हमार पिता परमेश्वरा का सामुनि पवित्रता में निर्दोष ठहरून।
Currently Selected:
1 थिस्सलुनीकियों 3: SORNT
Highlight
Share
Copy
Want to have your highlights saved across all your devices? Sign up or sign in
Soriyali New Testament (सोरियाली नय्या नियम) 2020 by The Love Fellowship is licensed under a Creative Commons Attribution-ShareAlike 4.0 International License.
