प्रकाशितवाक्य 8
8
सत्तमी मोहर कने सोने दा धूपदान
1जालू छेलुये सत्तमी मोहर खोली, तां सै सारे जड़े स्वर्गे च थे अधे घंटे तांई शांत होई गे। 2तालू मैं उना सत्तां स्वर्गदूतां जो दिखया जड़े परमेश्वरे दे सामणे खड़ोतयो रेंदे न, कने उना जो सत्त तुरहियां दितियां। 3फिरी ओथु ला, इक होर स्वर्गदूत सोने दा इक धूपदान लेईकरी आया कने वेदिया बखे खड़ोई गिया। कने उसयो सारयां लोकां दियां प्राथना समेत बालने तांई बड़ा भरी धुप दिता। उनी धूप कने प्राथना जो उस सोने दिया बेदिया उपर बाली दिता, जड़ी परमेश्वरे दे सिंहासने दे सामणे है। 4जालू उनी ऐसा किता, तां धूपे दा धुंआं पबित्र लोकां दियां प्राथना समेत स्वर्गदूते दे हथे ला उठी करी परमेश्वरे दे सामणे गिया। 5तालू स्वर्गदूते धूपदाने जो वेदिया दिया अग्गी चे अंगारे भरी दिते, कने धरतिया पर फेंकी दिते, कने फिरी गड़ाके, बिजली, कने अबाजां, कने हिलण होणा लग्गे।
सत्त तुरहियां
6कने सै सत्तों स्वर्गदूत जिना बाल सत्त तुरहियां थियां उना जो बजाणे तांई तैयार होऐ।
पैली तुरही
7पेहले स्वर्गदूते तुरही बजाई कने खूने ला मिलयो ओले कने अग्ग पैदा होई, कने धरतिया पर पेई गे। इसा बजा ला धरतिया दा इक तिहाई हिस्सा फकोई गिया, कने रुखां दी इक तिहाई भी फकोई गे, कने सारा सेला घा भी फकोई गिया।
दुज्जी तुरही
8दुज्जे स्वर्गदूते तुरही बजाई, तां इक अग्ग लगयो बड़े बड्डे पाड़े सांई कोई चीज समुंदरे च पेई गेई, कने इसा बजा ला समुंदर भी इक तिहाई हिस्सा खूने सांई होई गिया, 9कने समुंदरे च रेणेबाले इक तिहाई प्राणी मरी गे। इसला समुंद्रे दे इक तिहाई जाज खत्म होई गे।
तीजी तुरही
10तीजे स्वर्गदूते तुरही बजाई, कने इक बड़ा बडा तारा मशाला सांई बलया होया स्वर्गे ला टूटया, कने नदियाँ दे इक तिहाई हिस्से पर, कने ताजा पाणिऐ दे तलाबां पर जाई पिया। 11उस तारे दा नां कौड़ा है। इदिया बजा ला सै सारा इक तिहाई पाणी कोड़ा कने जरिला होई गिया, कने उस पांणिऐ जो पीणे बालयां दी मौत होई गेई।
चौथी तुरही
12चौथे स्वर्गदूते तुरही बजाई, तां सूरजे दा इक तिहाई, चन्द्रमे दा इक तिहाई कने तारयाँ दे इक तिहाई पर कोई चीज टकराई, इसा बजा ला दिने दे इक तिहाई बकते दीकर सूरज नी चमकया कने चन्द्रमा कने तारे राती दे इक तिहाई बकते दीकर नी चमके।
13जालू मैं फिरी दिखया, तां अम्बरे च इक बाजे जो बड़े उच्चा उड़दे दिखया कने जोरे ला ऐ बोलदे सुणया की, “जालू आखरी तिन्ना स्वर्गदूतां उना तुरही जो बजाणा जड़ियां उना जो दितियां न, तालू संसारे पर ओंणे बालियां मुसीबतां बड़ियां भयानक न। धरतिया पर रेणे बालयां पर, हाय, हाय, हाय!”
Currently Selected:
प्रकाशितवाक्य 8: BHTNT
Highlight
Copy
Compare
Share
Want to have your highlights saved across all your devices? Sign up or sign in
Bhattiyali New Testament (भटियाली नोआ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
