Mataayi 26
26
Bakuutu ba Bayudaayo bali mu ukuta pfuundu mu Yisu
Mlk 14.1-2; Luk 22.1-2; Yow 11.45-53
1Bu Yisu haamani uva mandongisili mo maana moosi, nde aleeli huli bayihi ba nde: 2«Benu liyaabi ti bilumbu byole bimiisaala, mu usa mukungi a Paake#Pal 12.1-27. Sa bayeholo Mwana a Muutu, mana bakomene nde ŋa kuruwa.»
3Buuna, bakuutu ba bangu ba bangaanga na bakuutu ba Bayudaayo, baakuukimi hu litandala li mukuutu bangaanga ba Nzambi watsomi, Kayifa. 4Bo baakuti pfuundu mu ukaanga Yisu mu tswehi, mana baduba nde. 5Ka bo balelisini: «A luukaangaani nde mu taangu mukungi ve, kini baatu buutuumbaha.»
Mukaasu miipuupala nyafi mu mutswe a Yisu
Mlk 14.3-9; Yow 12.1-8
6Yisu aba hu musyenge a Betanya, mu nzo a Simoni nga bwatsi. 7Bu Yisu haaba haatsahala ŋa metse, mukaasu mumosi ayasusaha ŋa pedu a nde na itutu hya alabatere#26.7 alabatere manya li mulingu li baakavangila bitutu byusyeholo nyafi. hi hyaluula mu nyafi ya kaluha yinene. Nde apuupili nyafi mo yiina ŋa yulu mutswe a Yisu. 8Bu bayihi baamoni buuna, bo baamoni pasi mu mutima, na baaleeli: «Ki tooni mu ubiiyasa nyafi mo yiniiyi? 9Bakiisuumbasa yo mu talu yi yaafulala na uva mbongo mo yiina huli bapuumbu!» 10Bu Yisu haayuhi nzambilili a bo, nde aleeli: «Nyahaani nde. Mu hima benu lili mu ukwamisa mukaasu mo wunuuwu? Ma nde amiivangila mu me, maafulala bubwe. 11Mu tooni ati, benu luuba na bapuumbu taangu yoosi, ka uto ti me, benu a luuba na me taangu yoosi ve. 12Nde miiteehele upuupala nyutu a me nyafi, mu uvangimasa yo mu kotili ya mu ngila. 13Mu mbuli me ndeele benu: pasi tsyelo yi buukaayabisa Musamu wu Mubwe mu toto yoosi, buukaayambila mu mukaasu mo wunuuwu na buukaayibuhala moonyi mu ma nde amiivaanga.»
Yuda miivolo kesili yi usuumbasa Yisu
Mlk 14.10-11; Luk 22.7-23; 1Ko 11.23-26
14Buuna, Yuda Isikaryoti mumosi mu bakuumi na boole li bayihi, ayamono bakuutu ba bangaanga ba Nzambi. 15Na nde aleeli huli bo: «Benu hima luuva me, tso me tsuumbisi benu Yisu?» Bo baataangi maku matatu ma mbongo a palata, na baaviidi nde mo#Zak 11.12. 16Umata taangu mo yiina, Yuda akasaha buni nde huuyeholo bo Yisu mu taangu yi yaafwana.
Bayihi ba Yisu bamiivangimasa ilaambu hya Paake
Mlk 14.12-21; Luk 22.7-14,21-23; Yow 13.21-30; 1Ko 11.23-26
17Ilumbu hyatsomi hi mukungi wu mapa ma maaveledaana, bayihi baafuuli Yisu: «Huni we toondi ti bisu liyavangimasa we ilaambu hya Paake?» 18Nde afutili bo: «Yenaani hu musyenge, huli bahala limosi, na leelaani lo ti mulongisi miileele: “Tangu a me yimiikuha, ni huli we me undya ilaambu hya Paake na bayihi ba me.”» 19Bayihi baasiidi bu Yisu haatumisi bo, na bo baavangimisi ilaambu hya Paake.
Yisu miiyabisa ti muyihi mumosi usuumbasa nde
Mlk 14.17-26; Luk 22.14-23; Yow 13.21-30; 1Ko 11.23-25
20Bu tsitsaha yaatoodi, Yisu atsahili ŋa meetse na bayihi bakuumi na boole. 21Bu bo baakadya, Yisu aleeli: «Mu mbuli me ndeele benu: mumosi mu benu sa asuumbasa me.» 22Bayihi baasinzimono lingebe, na baabaandihi ufuula nde mumosi mumosi: «Pfumu! Ni me?» 23Yisu afutili: «Nde wuuna wu li mu upfuuta myoho mu ikoombe na me, ni nde usuumbasa me. 24Eye, Mwana a muutu mu ukwa ali, we bu Mabasonehe ma Ngidi mali mu uyabisa mu nde#Mkg 22.2-19; Esa 53. Ka ki pila lingebe huli wu li mu usuumbasa Mwana a muutu! Beedi kini bubwe mu muutu mo wuuna, avelebutama hwa nde.» 25Yuda wu akasuumbasa nde ni uleele: «Rabi! Ni me?» Yisu afutili nde: «We miileele lo.»
Ilaambu hya Ngidi
Mlk 14.22-26; Luk 22.14-20; 1Ko 11.23-25
26Bu bo baaba mu udya, Yisu avoli lipa. Hu mbisa ufutala matondo huli Nzambi, nde atabuli lo, na aviidi lo huli bayihi ba nde na aleeli: «Volwaani na dyaani, yiniiyi ni nyutu a me.» 27Titswene, nde avoli mbuungu ya vinye. Hu mbisa ufutala matondo huli Nzambi, nde aviidi bo yo, na aleeli: «Nywaani yo benu boosi, 28mu tooni ati, maniima ni makila ma me, makila ma nzuhisini a Nzambi#Pal 24.8; Yel 31.31-34 . Makila ma maatsamuhi mu tooni a baatu ba balahi, mu tooni a kolo-kolo yi masumu ma bo. 29Me ndeele benu lo, Me a umbwenywa vinye mo yiiniyi ve, natee ilumbu hi me unywa yo yi nyatihi na benu, hu Ipfumu hya Taata a me.» 30Hu mbisa uyimba nyimbu#26.30 nyimbu mbindulili ti: Mikuunga mya Davidi 113 natee 118., bo baayeni hu isyelo hi miti mya Olive.
Yisu miyabisa ti Peetelo utuna nde
Mlk 14.27-31; Luk 22.31-34; Yow 13.36-38
31Buuna Yisu aleeli huli bayihi ba nde: «Ndulu ni butsuhu mo bunuubu benu boosi luutimba me. Mu tooni ati, Mabasonehe ma Ngidi mu baaleele: “Me tsa nduba keedi wu biboodi, na koonge mandombo sa yitsaamuha pasi tsyelo#Zak 13.7.” 32Ka hu mbisa a tsuuhili a me mu babaakwa, me uteehele benu hu Ngalili.» 33Peetelo aleeli nde: «Tso bakima baana boosi batiimbi we, me a utiimba we ve.» 34Yisu akaali nde: «Mu mbuli me ndi mu undeele we: ndulu butsuhu mo bunuubu, teehele tsusu akohele, we utuna me tunala tatu.» 35Ka Peetelo aleeli: «Tso hili ti me kwa itwadi na we, ubila ve, me utwala utuna we ve!» Na bayihi boosi baakaleele bumosi.
Yisu miiyasambila hu Ngetesemani
Mlk 14.32-42; Luk 22.39-46
36Yisu ayidi na bayihi ba nde ŋa mbuha yi bubaateele Ngetesemani#26.36 Ngetesemani Mbindulili mu ndaha ya bisu Arameni ti: ipinyili hya maadi., na nde aleeli huli bo: «Tsahalaani ŋaniiŋa, bu me ka mu dwe huuna mu uyasambila.» 37Titswene, nde avoli Peetelo na baana ba babahala baboole ba Zebedayi, nde abaandihi umono lingebe na mangoongo.
38Buuna, nde aleeli bo: «Mutima a me amiiluula mu lingebe mu uto natee hu ukwa. Saalaani ŋaniiŋa, na baani likanda itwadi na me.» 39Nde ayeni mwana a lala, atsokihi hiinzi mu toto, na asambili bunuubu: «Taata a me, tso huyelimini, tahusa mbuungu yi mapasi yiniiyi lala na me. A we bu hu li litondo la me ve, ka we bu we toondi.» 40Titswene, nde ayafutaha huli bayihi babatatu, ba nde haabiisi tolo. Nde aleeli huli Peetelo: «Benu kaahu a litwali uba likanda na me tso mu ngunga mosi ve? 41Baani likanda na sambilaani, mana benu a libwa mu lobese. Iluunzi hili hi hyahwada, ka imuutu hili hi hyakolo.» 42Nde abwetahuha na bo, tahuha la yoole na asambili bunuubu: «Taata a me, tso huyelimini ti mbuungu mo yiniiyi yitahuha na me, hwavele ti me nywa yo, nyaha litondo la we livangama!» 43Nde abweyafutaha huli bayihi, na abiisi bo boosi tolo. Miisu ma bo maabeedi maaleme. 44Nde abwesiisa bo, abwetahuha na bo na abwesambila sambila li matatu na ubaafutahala mambu ni mo mamosi. 45Titswene, nde abweyafutaha huli bayihi ba nde na aleeli bo: «Benu likini tolo, benu uvuuma libaavuuma? Bunuubu, ngunga yimiito. Mwana a Muutu bamiiyeholo ŋa myoho mya banga masumu. 46Telemaani, tswendaani! Monwaani muutu wu uyeholo me aka bebele!»
Yisu bamiikaanga
Mlk 14.43-50; Luk 22.47-53; Yow 18.3-12
47Bu Yisu haaba kini mu utoyo, Yuda, mumosi mu bakuumi na boole li bayihi, ayato. Ŋa mbisa a nde, hwaaba na koonge a baatu baakaanga basabila na bimbondi. Bakuutu ba bangaanga ba Nzambi na mikukunyungu mya buli li Bayudaayo, ni ba baatsindihi bo. 48Yuda, wu akayeholo bo Yisu, amweesi bo iliimbu hi nde huusalila: «Muutu wu me upiva, ni nde. Kaangaani nde.» 49Masulubete, Yuda ayasusaha ŋa pedu a Yisu na aleeli nde: «Bwehe, Rabi!» Titswene, nde avivi nde. 50Yisu afutili nde: «Mbaahi a me, li we miiyaavaanga, vaanga lo mu mawasa.» Buuna, bana baayasusaha, baabwidi mu Yisu na baakaangi nde. 51Mumosi mu ba baabeedi na Yisu, apalisi sabila a nde mu isupu, ateti musalili wu mukuutu bangaanga ba Nzambi, na akesi nde tswi.
52Buuna Yisu aleeli nde: «Futala sabila a we hutso isupu hya nde. Ka boosi ba bubaasalila sabila, buukwa mu sabila. 53We kaahu a hayaabi ve ti me utwala uvondo likumbasa huli Taata a me, na masulubete, nde utsindaha me bapofi ba balahi ba baalutahala makonge kuumi na moole ma balwani? 54Ka buni, Mabasonehe ma Ngidi muutwala uyelemene? Mo mali mu uleele ti, ni buuna maafwana uvangama.» 55Titswene, Yisu aleeli huli koonge a baatu: «Me kaahu ipuumbulu mbeedi, bu benu luuya na basabila na bimbondi mu uyakaanga me? Bilumbu byosi, me mbeedi atsahala mu nzo a Nzambi mu ubaalongese, benu a laakaangi me ve. 56Ka maana moosi mali mu uvangama, mana mambu ma mimbihuli ma mali mu Mabasonehe ma Ngidi, mayelemene.» Buuna, bayihi boosi baatiimbi nde na baabati.
Yisu ŋa busu bwa pfuundu lituma li Bayudaayo
Mlk 14.53-65; Luk 22.54-55,63-71; Yow 18.13-14,19-24
57Ba baakaangi Yisu, baabiti nde huli Kayifa mukuutu bangaanga ba Nzambi, hu milongisi mi Mikele na mikukunyungu baaba baakuukama. 58Peetelo akaduukala Yisu hu lilalala, natee hu litandala la nzo a mukuutu bangaanga ba Nzambi. Nde akoti hu litandala na atsahili itwadi na bakeedi, mu umono buni musamu haakisuka.
59Bakuutu ba bangaanga ba Nzambi na pfuundu lituma yoosi, baakasaha imbangi, tso hi mapfuta mu Yisu, mu uva nde tsyembili yi lipfu. 60Ka bo a baabahi imbangi ve, tso bu baatu ba balahi baatiidi bimbangi bi mapfuta mu nde#Mkg 27.12; 35.11. Ka hu tsyelele, babahala boole baayamonehele 61na baaleeli: «Muutu mo wunuunu aleeli: “Me utwala utsala nzo a Nzambi na ubwetuunga yo mu bilumbu bitatu.”» 62Buuna, mukuutu bangaanga ba Nzambi atelimi na afuuli Yisu: «We a hali mu ukaala pasi lo ve? Lima we leeli, mu bimbangi bi baatu mo baniiba bali mu uta mu we?» 63Ka Yisu abeedi swii. Mukuutu bangaanga ba Nzambi abwefuula nde: «Me pondi huli we mu ulaba mulabu mu nduhi a Nzambi a moonyi: We ni Masiya, Mwana a Nzambi?» 64Yisu akaali: «We mwakulu miileele lo! Ka me ndeele benu lo: Bunuubu, benu luumono Mwana a muutu atsahala ŋa mbahala a Pungu Matwala na uya hutso mayidu ma yulu#Mkg 110.1; Dan 7.13 .» 65Buuna mukuutu bangaanga ba Nzambi akasuli bikutu bya nde mwakulu na aleeli: «Nde miibaaya Nzambi. Bisu a lisaali na nzala bambangi ve! Benu limiiyuha nde mu utuha Nzambi. 66Benu buni lili mu utsima?» Bo baakaali: «Nde li na tooni, na baafwana uduba nde#Lev 24.16.» 67Titswene, bo baatuuli nde maate mu mbalanga na baateti nde makome. Bamosi baateti nde mapali#Esa 50.6 68na ubaaleele: «Bihula, we wu li Kristo, leele bisu na miitete we!»
Peetelo miituna Yisu
Mlk 14.66-72; Luk 22.56-62; Yow 18.15-18,25-27
69Peetelo aba atsahala hu mbadi ŋa litandala. Musalili mumosi wu mukaasu ayidi ŋa pedu a nde na aleeli nde: «We kaka, we beedi na Yisu musi Ngalili.» 70Ka Peetelo atuni ŋa kuungi la baatu na aleeli: «Me a hanzaabi li we li mu ukana uleele ve.» 71Titswene nde ayeni hu tsyelo munywa a litandala. Musalili mukima wu mukaasu amoni nde na aleeli huli ba baaba ŋaana: «Nde wunuuwu beedi itwadi na Yisu musi Nazareti.» 72Na Peetelo abwetuna mu mulabu na aleeli: «Me a hanzaabi hwa me muutu mo wunuuwu ve.»
73Hu mbisa a mwana a taangu hoole, baatu ba baabeedi ŋaana baayasusaha ŋa pedu a Peetelo na baaleeli nde: «Ni mbuli, we li mumosi mu baatu mo baana, mu tooni ati bitoyili bya we bili mu umweese huni we amata.» 74Buuna Peetelo ufulihi: «Nyaha Nzambi asyembe me tso me ndi mu upfuta! Mu mbuli a Nzambi, me a hanzaabi muutu mo wunuuwu ve!» Masulubete, tsusu akohili, 75na Peetelo ayibuhili moonyi mu mambu ma Yisu haaleeli nde: «Tswamina tsusu akohele, we utuna me tunala tatu.» Peetelo apali na atudili nzwenge.
Currently Selected:
Mataayi 26: TSA
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mataayi 26
26
Bakuutu ba Bayudaayo bali mu ukuta pfuundu mu Yisu
Mlk 14.1-2; Luk 22.1-2; Yow 11.45-53
1Bu Yisu haamani uva mandongisili mo maana moosi, nde aleeli huli bayihi ba nde: 2«Benu liyaabi ti bilumbu byole bimiisaala, mu usa mukungi a Paake#Pal 12.1-27. Sa bayeholo Mwana a Muutu, mana bakomene nde ŋa kuruwa.»
3Buuna, bakuutu ba bangu ba bangaanga na bakuutu ba Bayudaayo, baakuukimi hu litandala li mukuutu bangaanga ba Nzambi watsomi, Kayifa. 4Bo baakuti pfuundu mu ukaanga Yisu mu tswehi, mana baduba nde. 5Ka bo balelisini: «A luukaangaani nde mu taangu mukungi ve, kini baatu buutuumbaha.»
Mukaasu miipuupala nyafi mu mutswe a Yisu
Mlk 14.3-9; Yow 12.1-8
6Yisu aba hu musyenge a Betanya, mu nzo a Simoni nga bwatsi. 7Bu Yisu haaba haatsahala ŋa metse, mukaasu mumosi ayasusaha ŋa pedu a nde na itutu hya alabatere#26.7 alabatere manya li mulingu li baakavangila bitutu byusyeholo nyafi. hi hyaluula mu nyafi ya kaluha yinene. Nde apuupili nyafi mo yiina ŋa yulu mutswe a Yisu. 8Bu bayihi baamoni buuna, bo baamoni pasi mu mutima, na baaleeli: «Ki tooni mu ubiiyasa nyafi mo yiniiyi? 9Bakiisuumbasa yo mu talu yi yaafulala na uva mbongo mo yiina huli bapuumbu!» 10Bu Yisu haayuhi nzambilili a bo, nde aleeli: «Nyahaani nde. Mu hima benu lili mu ukwamisa mukaasu mo wunuuwu? Ma nde amiivangila mu me, maafulala bubwe. 11Mu tooni ati, benu luuba na bapuumbu taangu yoosi, ka uto ti me, benu a luuba na me taangu yoosi ve. 12Nde miiteehele upuupala nyutu a me nyafi, mu uvangimasa yo mu kotili ya mu ngila. 13Mu mbuli me ndeele benu: pasi tsyelo yi buukaayabisa Musamu wu Mubwe mu toto yoosi, buukaayambila mu mukaasu mo wunuuwu na buukaayibuhala moonyi mu ma nde amiivaanga.»
Yuda miivolo kesili yi usuumbasa Yisu
Mlk 14.10-11; Luk 22.7-23; 1Ko 11.23-26
14Buuna, Yuda Isikaryoti mumosi mu bakuumi na boole li bayihi, ayamono bakuutu ba bangaanga ba Nzambi. 15Na nde aleeli huli bo: «Benu hima luuva me, tso me tsuumbisi benu Yisu?» Bo baataangi maku matatu ma mbongo a palata, na baaviidi nde mo#Zak 11.12. 16Umata taangu mo yiina, Yuda akasaha buni nde huuyeholo bo Yisu mu taangu yi yaafwana.
Bayihi ba Yisu bamiivangimasa ilaambu hya Paake
Mlk 14.12-21; Luk 22.7-14,21-23; Yow 13.21-30; 1Ko 11.23-26
17Ilumbu hyatsomi hi mukungi wu mapa ma maaveledaana, bayihi baafuuli Yisu: «Huni we toondi ti bisu liyavangimasa we ilaambu hya Paake?» 18Nde afutili bo: «Yenaani hu musyenge, huli bahala limosi, na leelaani lo ti mulongisi miileele: “Tangu a me yimiikuha, ni huli we me undya ilaambu hya Paake na bayihi ba me.”» 19Bayihi baasiidi bu Yisu haatumisi bo, na bo baavangimisi ilaambu hya Paake.
Yisu miiyabisa ti muyihi mumosi usuumbasa nde
Mlk 14.17-26; Luk 22.14-23; Yow 13.21-30; 1Ko 11.23-25
20Bu tsitsaha yaatoodi, Yisu atsahili ŋa meetse na bayihi bakuumi na boole. 21Bu bo baakadya, Yisu aleeli: «Mu mbuli me ndeele benu: mumosi mu benu sa asuumbasa me.» 22Bayihi baasinzimono lingebe, na baabaandihi ufuula nde mumosi mumosi: «Pfumu! Ni me?» 23Yisu afutili: «Nde wuuna wu li mu upfuuta myoho mu ikoombe na me, ni nde usuumbasa me. 24Eye, Mwana a muutu mu ukwa ali, we bu Mabasonehe ma Ngidi mali mu uyabisa mu nde#Mkg 22.2-19; Esa 53. Ka ki pila lingebe huli wu li mu usuumbasa Mwana a muutu! Beedi kini bubwe mu muutu mo wuuna, avelebutama hwa nde.» 25Yuda wu akasuumbasa nde ni uleele: «Rabi! Ni me?» Yisu afutili nde: «We miileele lo.»
Ilaambu hya Ngidi
Mlk 14.22-26; Luk 22.14-20; 1Ko 11.23-25
26Bu bo baaba mu udya, Yisu avoli lipa. Hu mbisa ufutala matondo huli Nzambi, nde atabuli lo, na aviidi lo huli bayihi ba nde na aleeli: «Volwaani na dyaani, yiniiyi ni nyutu a me.» 27Titswene, nde avoli mbuungu ya vinye. Hu mbisa ufutala matondo huli Nzambi, nde aviidi bo yo, na aleeli: «Nywaani yo benu boosi, 28mu tooni ati, maniima ni makila ma me, makila ma nzuhisini a Nzambi#Pal 24.8; Yel 31.31-34 . Makila ma maatsamuhi mu tooni a baatu ba balahi, mu tooni a kolo-kolo yi masumu ma bo. 29Me ndeele benu lo, Me a umbwenywa vinye mo yiiniyi ve, natee ilumbu hi me unywa yo yi nyatihi na benu, hu Ipfumu hya Taata a me.» 30Hu mbisa uyimba nyimbu#26.30 nyimbu mbindulili ti: Mikuunga mya Davidi 113 natee 118., bo baayeni hu isyelo hi miti mya Olive.
Yisu miyabisa ti Peetelo utuna nde
Mlk 14.27-31; Luk 22.31-34; Yow 13.36-38
31Buuna Yisu aleeli huli bayihi ba nde: «Ndulu ni butsuhu mo bunuubu benu boosi luutimba me. Mu tooni ati, Mabasonehe ma Ngidi mu baaleele: “Me tsa nduba keedi wu biboodi, na koonge mandombo sa yitsaamuha pasi tsyelo#Zak 13.7.” 32Ka hu mbisa a tsuuhili a me mu babaakwa, me uteehele benu hu Ngalili.» 33Peetelo aleeli nde: «Tso bakima baana boosi batiimbi we, me a utiimba we ve.» 34Yisu akaali nde: «Mu mbuli me ndi mu undeele we: ndulu butsuhu mo bunuubu, teehele tsusu akohele, we utuna me tunala tatu.» 35Ka Peetelo aleeli: «Tso hili ti me kwa itwadi na we, ubila ve, me utwala utuna we ve!» Na bayihi boosi baakaleele bumosi.
Yisu miiyasambila hu Ngetesemani
Mlk 14.32-42; Luk 22.39-46
36Yisu ayidi na bayihi ba nde ŋa mbuha yi bubaateele Ngetesemani#26.36 Ngetesemani Mbindulili mu ndaha ya bisu Arameni ti: ipinyili hya maadi., na nde aleeli huli bo: «Tsahalaani ŋaniiŋa, bu me ka mu dwe huuna mu uyasambila.» 37Titswene, nde avoli Peetelo na baana ba babahala baboole ba Zebedayi, nde abaandihi umono lingebe na mangoongo.
38Buuna, nde aleeli bo: «Mutima a me amiiluula mu lingebe mu uto natee hu ukwa. Saalaani ŋaniiŋa, na baani likanda itwadi na me.» 39Nde ayeni mwana a lala, atsokihi hiinzi mu toto, na asambili bunuubu: «Taata a me, tso huyelimini, tahusa mbuungu yi mapasi yiniiyi lala na me. A we bu hu li litondo la me ve, ka we bu we toondi.» 40Titswene, nde ayafutaha huli bayihi babatatu, ba nde haabiisi tolo. Nde aleeli huli Peetelo: «Benu kaahu a litwali uba likanda na me tso mu ngunga mosi ve? 41Baani likanda na sambilaani, mana benu a libwa mu lobese. Iluunzi hili hi hyahwada, ka imuutu hili hi hyakolo.» 42Nde abwetahuha na bo, tahuha la yoole na asambili bunuubu: «Taata a me, tso huyelimini ti mbuungu mo yiniiyi yitahuha na me, hwavele ti me nywa yo, nyaha litondo la we livangama!» 43Nde abweyafutaha huli bayihi, na abiisi bo boosi tolo. Miisu ma bo maabeedi maaleme. 44Nde abwesiisa bo, abwetahuha na bo na abwesambila sambila li matatu na ubaafutahala mambu ni mo mamosi. 45Titswene, nde abweyafutaha huli bayihi ba nde na aleeli bo: «Benu likini tolo, benu uvuuma libaavuuma? Bunuubu, ngunga yimiito. Mwana a Muutu bamiiyeholo ŋa myoho mya banga masumu. 46Telemaani, tswendaani! Monwaani muutu wu uyeholo me aka bebele!»
Yisu bamiikaanga
Mlk 14.43-50; Luk 22.47-53; Yow 18.3-12
47Bu Yisu haaba kini mu utoyo, Yuda, mumosi mu bakuumi na boole li bayihi, ayato. Ŋa mbisa a nde, hwaaba na koonge a baatu baakaanga basabila na bimbondi. Bakuutu ba bangaanga ba Nzambi na mikukunyungu mya buli li Bayudaayo, ni ba baatsindihi bo. 48Yuda, wu akayeholo bo Yisu, amweesi bo iliimbu hi nde huusalila: «Muutu wu me upiva, ni nde. Kaangaani nde.» 49Masulubete, Yuda ayasusaha ŋa pedu a Yisu na aleeli nde: «Bwehe, Rabi!» Titswene, nde avivi nde. 50Yisu afutili nde: «Mbaahi a me, li we miiyaavaanga, vaanga lo mu mawasa.» Buuna, bana baayasusaha, baabwidi mu Yisu na baakaangi nde. 51Mumosi mu ba baabeedi na Yisu, apalisi sabila a nde mu isupu, ateti musalili wu mukuutu bangaanga ba Nzambi, na akesi nde tswi.
52Buuna Yisu aleeli nde: «Futala sabila a we hutso isupu hya nde. Ka boosi ba bubaasalila sabila, buukwa mu sabila. 53We kaahu a hayaabi ve ti me utwala uvondo likumbasa huli Taata a me, na masulubete, nde utsindaha me bapofi ba balahi ba baalutahala makonge kuumi na moole ma balwani? 54Ka buni, Mabasonehe ma Ngidi muutwala uyelemene? Mo mali mu uleele ti, ni buuna maafwana uvangama.» 55Titswene, Yisu aleeli huli koonge a baatu: «Me kaahu ipuumbulu mbeedi, bu benu luuya na basabila na bimbondi mu uyakaanga me? Bilumbu byosi, me mbeedi atsahala mu nzo a Nzambi mu ubaalongese, benu a laakaangi me ve. 56Ka maana moosi mali mu uvangama, mana mambu ma mimbihuli ma mali mu Mabasonehe ma Ngidi, mayelemene.» Buuna, bayihi boosi baatiimbi nde na baabati.
Yisu ŋa busu bwa pfuundu lituma li Bayudaayo
Mlk 14.53-65; Luk 22.54-55,63-71; Yow 18.13-14,19-24
57Ba baakaangi Yisu, baabiti nde huli Kayifa mukuutu bangaanga ba Nzambi, hu milongisi mi Mikele na mikukunyungu baaba baakuukama. 58Peetelo akaduukala Yisu hu lilalala, natee hu litandala la nzo a mukuutu bangaanga ba Nzambi. Nde akoti hu litandala na atsahili itwadi na bakeedi, mu umono buni musamu haakisuka.
59Bakuutu ba bangaanga ba Nzambi na pfuundu lituma yoosi, baakasaha imbangi, tso hi mapfuta mu Yisu, mu uva nde tsyembili yi lipfu. 60Ka bo a baabahi imbangi ve, tso bu baatu ba balahi baatiidi bimbangi bi mapfuta mu nde#Mkg 27.12; 35.11. Ka hu tsyelele, babahala boole baayamonehele 61na baaleeli: «Muutu mo wunuunu aleeli: “Me utwala utsala nzo a Nzambi na ubwetuunga yo mu bilumbu bitatu.”» 62Buuna, mukuutu bangaanga ba Nzambi atelimi na afuuli Yisu: «We a hali mu ukaala pasi lo ve? Lima we leeli, mu bimbangi bi baatu mo baniiba bali mu uta mu we?» 63Ka Yisu abeedi swii. Mukuutu bangaanga ba Nzambi abwefuula nde: «Me pondi huli we mu ulaba mulabu mu nduhi a Nzambi a moonyi: We ni Masiya, Mwana a Nzambi?» 64Yisu akaali: «We mwakulu miileele lo! Ka me ndeele benu lo: Bunuubu, benu luumono Mwana a muutu atsahala ŋa mbahala a Pungu Matwala na uya hutso mayidu ma yulu#Mkg 110.1; Dan 7.13 .» 65Buuna mukuutu bangaanga ba Nzambi akasuli bikutu bya nde mwakulu na aleeli: «Nde miibaaya Nzambi. Bisu a lisaali na nzala bambangi ve! Benu limiiyuha nde mu utuha Nzambi. 66Benu buni lili mu utsima?» Bo baakaali: «Nde li na tooni, na baafwana uduba nde#Lev 24.16.» 67Titswene, bo baatuuli nde maate mu mbalanga na baateti nde makome. Bamosi baateti nde mapali#Esa 50.6 68na ubaaleele: «Bihula, we wu li Kristo, leele bisu na miitete we!»
Peetelo miituna Yisu
Mlk 14.66-72; Luk 22.56-62; Yow 18.15-18,25-27
69Peetelo aba atsahala hu mbadi ŋa litandala. Musalili mumosi wu mukaasu ayidi ŋa pedu a nde na aleeli nde: «We kaka, we beedi na Yisu musi Ngalili.» 70Ka Peetelo atuni ŋa kuungi la baatu na aleeli: «Me a hanzaabi li we li mu ukana uleele ve.» 71Titswene nde ayeni hu tsyelo munywa a litandala. Musalili mukima wu mukaasu amoni nde na aleeli huli ba baaba ŋaana: «Nde wunuuwu beedi itwadi na Yisu musi Nazareti.» 72Na Peetelo abwetuna mu mulabu na aleeli: «Me a hanzaabi hwa me muutu mo wunuuwu ve.»
73Hu mbisa a mwana a taangu hoole, baatu ba baabeedi ŋaana baayasusaha ŋa pedu a Peetelo na baaleeli nde: «Ni mbuli, we li mumosi mu baatu mo baana, mu tooni ati bitoyili bya we bili mu umweese huni we amata.» 74Buuna Peetelo ufulihi: «Nyaha Nzambi asyembe me tso me ndi mu upfuta! Mu mbuli a Nzambi, me a hanzaabi muutu mo wunuuwu ve!» Masulubete, tsusu akohili, 75na Peetelo ayibuhili moonyi mu mambu ma Yisu haaleeli nde: «Tswamina tsusu akohele, we utuna me tunala tatu.» Peetelo apali na atudili nzwenge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.