Cantares 7
7
Íichamtzil
1¡X ajaw ch'úupal jadzutz a wooc ichil a xanab kéewel!
U lo'olopil a t'e'et'e', bey jadzutz ba'al beeta'an tumen máax u yojel u meyajt ma'alob oroe'.
2A tuuche' bey jun p'éel chan luuch mantadz chuup yéetel vinoe';
a nake' bey jun p'éel chulubil trigo
bakpachta'an tumen nicte'ob.
3A wiimo'obe' beyo'ob ca'a túul quéejo'ob iicho'obe'.
4A caale' bey jun p'éel u witzil najil marfile';
a wicho'obe' bey le ca'a p'éel cheemo'ob yano'ob tu caajil Hesbón,
tu tzéel u jool najil Bet-rabim;
a ni'e' chica'an ti' u witzil líbano cu paacat tu tojil u caajil Damasco.
5A pool yóokol a wíinclile' bey u pu'uquil Carmelo;
u tzo'otzel a poole' bey chac sóosquile':
¡Jun túul ajaw kala'an ichil u mu'uchil a pool!
6In yaacunaj, co'olel táaj utzech tin wich.
¡qui'ichpamech, táaj qui'ichpamech!
7A wa'atale' chica'an ti' tojil jun cúul xa'an
a wiimo'obe' beyo'ob u ch'úuyul u yicho'obe'.
8Tene' quin tucultic in na'acal in t'oc u chúuchuch ich le xa'ano'.
A wiimo'ob túune' bíin béeyaco'ob u ch'úuylo'ob uvaobe';
a múus ike' bey u qui'iboquil manzanaobe';
9a na'aca'ane' bey ma'alob vino cu yáalal tu bóoxel a chi' yéetel ta coj.
Atantzil
10Tene' u ti'alen in aj yaacunaj;
u taactal yaacunaje' leti' beetic u taal tin wicnal.
11¡Lep' a wóol, in aj yaacunaj, co'ox ich cool!
bíin c máans áakab ichil u nicte'il Alheña.
12Le quéen sáaschajaque' c bin tu péet pachil uvaob,
u ti'al c ilic wa yaan u lool, wa táan u xíitil u nicte'ilo'ob,
wa dzo'oc xan u lool le granadaobo'.
¡Te'elo' bíin in dzáa ti' teech in yaacunaj!
13Le mandragoraobo' cu ki'itbesic u qui'iboquil.
Tu u jool c otoche' yaan u jejeláasil janalbe'en yicho'obi':
yaan yich kulim, yaan xan yich, táant u t'o'ocole',
tin jun páaycuntaj u ti'al in dzáa ti' teech in aj yaabilaj.
Currently Selected:
Cantares 7: MAYABI
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992